Novaja zapatrabavanaja prafiesija data scientist z šaściznačnym zarobkam

Pieršaja admietnaść prafiesii data scientist — šaściznačny zarobak (u Brytanii jon składaje ad 60 000 da 150 000 funtaŭ u hod).

Druhaja admietnaść u tym, što zadačy i abaviazki hetych śpiecyjalistaŭ pakul nie da kanca jasnyja i zrazumiełyja šyrokaj publicy. 

Nie varta błytać pracu ź vialikimi danymi (data science) i analiz danych (data analysis).

U pieršym vypadku śpiecyjalist šukaje ŭ vialikich niesistematyzavanych danych suviazi i zakanamiernaści, kab raspracavać madel i ałharytm i pradkazać, jak sistema budzie raźvivacca dalej. Takija madeli prahnozaŭ ad data scientists patrebnyja ŭ hienietycy, biznesie, miedycynie, finansach, honkach, strachavych kampanijach i navat u sielskaj haspadarcy. I jašče šmat dzie.

A voś analityk danych zaniaty trošku inšym — jon pracuje nie z techničnym bokam pracesu, a sa statystykaj i analizuje pa joj, nakolki efiektyŭna niešta pracuje.

Za apošnija niekalki hod uspryniaćcie samoj prafiesii značna źmianiłasia. Raniej jana asacyjavałasia sa skrupuloznaściu, ciapier heta najpierš tvorčaść. Taksama śpiecyjalistu pa pracy ź vialikimi danymi važna ŭmieć kamunikavać ź ludźmi — kab pradać toje, što jon adkryŭ.

«Budučynia naležyć ludziam z soft skills («miakkimi navykami») hetak ža jak i tym, chto navučyŭsia analizavać danyja», — kaža Evan Dejvis, śpiecyjalist amierykanskaj kampanii Cognizant, jaki daśleduje budučyniu pracy.

«Instrumienty pa vizualizacyi danych, prahramy, jakija pierakładajuć składanuju infarmacyju ŭ prostyja karcinki, źmianili raskłady ŭ hulni pa vyvučeńni vialikich danych», — dadaje Dejvis.

Hetyja instrumienty stanoviacca ŭsio bolš prostymi dla karystańnia i ŭsio bolš intuityŭnymi. Heta nie moža nie ciešyć u eru, kali naša praca pastajanna mianiajecca i ŭsie pieramieny źviazanyja z technikaj, i my vymušanyja niejak aryjentavacca ŭ płyni danych.

Kali raniej u prafiesiju daśledčyka vialikich danych išli ludzi z doktarskaj stupieńniu pa infarmatycy, dyk siońnia ŭ prafiesiju iduć roznyja ludzi, u tym liku chatnija haspadyni i padletki.

Novyja ludzi prychodziać u prafiesiju nietradycyjnymi šlachami — im dapamahajuć novyja IT-prahramy.

Edvard Hryn i Bałradž Oŭts mienavita tak i trapili ŭ data science.

Dla Hryna padarožža ŭ śviet daśledvańnia danych pačałosia, kali jamu było 15 hod i jon nadoŭha, na dva z pałovaj hady, patrapiŭ u lakarniu. Bolšaść by z radaściu zabyli takija pakuty (a jamu dla lačeńnia treba było pieražyć try apieracyi), ale jon pamiataje svoj pieršy dzień u špitali (u toj dzień vypuścili pieršy iPad) jak pačatak karjery ŭ śviecie technałohij. Spačatku jon ekśpierymientavaŭ ź miedycynskaj infarmacyjaj, jakuju praz iPad pierapracoŭvaŭ u zrazumiełyja dla pacyjentaŭ formy. A paśla pieraklučyŭsia na vyvučeńnie danych u honkach — tam jon i navučyŭsia žanhliravać nievierahodnaj kolkaściu infarmacyi.

«Niekatorym kiroŭcam moža padacca, što im hetaja infarmacyja niepatrebna, ale heta nie tak», — kaža jon.

Data science pierakuliła śviet dahary nahami i dla Bałradž Oŭts. Jana daviedałasia pra novuju prafiesiju na chakatonie, dzie hulcam prapanavali praanalizavać suśvietnyja danyja pa karanavirusie, kab paraŭnać tendencyi ŭ roznych rehijonach. Pracujučy sa zvyčajnymi ikonkami ŭ novych prahramach (a nie staronkami raźlikaŭ), jana zmahła spravicca z zadačaj davoli chutka. Bałradž paraŭnoŭvaje pracu ŭ data science z pracaj na kalkulatary.

Z hetaha i pačałosia jejnaje padarožža ŭ śviet danych, raskazvaje Bałradž. Dziakujučy tamu chakatonu jana lohka zmahła viarnucca da pracoŭnaha žyćcia paśla 12-hadovaha pierapynku na dekret z tryma dziećmi: Bałradž vypadkova pryhadała ŭ razmovie ź inšaj maci la školnaj bramy, što ciapier zajmajecca data science, a taja akurat šukała śpiecyjalista ŭ svaju firmu.

Ciapier Bałradž pracuje ź vialikimi danymi ŭ finansavaj śfiery. Jana źviartaje ŭvahu, što lubomu śpiecyjalistu važna siabie pravilna rekłamavać. Bo voś ža dla jaje karjera pačałasia sa svoječasovaj razmovy la školnaj bramy.

• 0
• 0
• 0
• 0
• 0
• 0
• 0
• 0