Krynicy: Naskieviču nie znajšłosia pasady, jon dahetul biespracoŭny. Padrabiaznaści
Ivan Naskievič kiravaŭ Śledčym kamitetam bolš za 5 hod i syšoŭ u sakaviku minułaha hoda. Aficyjnaja pryčyna jaho sychodu nie paviedamlałasia. Ale zhodna z adnoj viersijaj, Naskieviča źniali za toje, što na adnoj z naradaŭ Łukašenki ź siłavym błokam jon zajaviŭ pra najaŭnaść sabranych materyjałaŭ, dastatkovych dla zaviadzieńnia kryminalnych spraŭ ab pieravyšeńni paŭnamoctvaŭ siłavikoŭ.
Pa adnoj ź viersij, na hetym momancie tahačasny ministr unutranych spraŭ Juryj Karajeŭ zajaviŭ, što «kali choć na adnaho supracoŭnika budzie zaviedziena kryminalnaja sprava, to sa ščytami buduć stajać supracoŭniki Śledčaha kamiteta».
Paśla hetaha niejki čas paŭstała navat pytańnie ab pieradačy śledčych funkcyj, prynamsi, tych, što datyčacca 27 raździeła Kryminalnaha kodeksa (złačynstvy suprać hramadskaj biaśpieki) da MUS.
«Ale Naskievič jašče sprabavaŭ reabilitavacca i dakazać svaju viernaść sistemie: nivodnaj kryminalnaj spravy pa fakcie katavańniaŭ, zabojstvaŭ, naniasieńniaŭ uvieččaŭ i inšaha nie było zaviedziena, — kaža naša krynica. — Taksama piersanalna Naskieviču prypisvajecca inicyjatyva zavodzić kryminalnyja spravy za toje, što raniej traktavałasia jak administratyŭnyja. Pieršy taki vypadak byŭ paśla maršu ŭ Kurapaty, kali zatrymanych pa 23.34 pačali pryciahvać i pa kryminalnych spravach ab «masavych biesparadkach».
Adnak niahledziačy na heta 11 sakavika 2021 Naskieviča na pasadzie zamianiŭ były namieśnik hienieralnaha prakurora Dźmitryj Hora. I kali inšyja siłaviki, toj ža Karajeŭ, Vakulčyk ci Barsukoŭ na vidu i majuć pasady pamočnikaŭ Łukašenki, to pra Naskieviča z taho momantu nie było ničoha čuvać. Dzie pracuje i čym zajmajecca?
Jak vyśvietliła «Naša Niva», nijakaj pasady byłomu staršyni Śledčaha kamiteta nie prapanavali, taksama nijakaj hramadzianskaj raboty na hety čas jon nie znajšoŭ. U adstaŭku jon vyjšaŭ u zvańni hienierał-majora, jamu 51 hod, i chutčej za ŭsio, jon užo na piensii.
«Naskievič u minijaciury paŭtaryŭ los savieckaha funkcyjaniera Hieorhija Malankova, jakoha z pasady kiraŭnika saŭmina SSSR adpravili kiravać elektrastancyjaj va Uść-Kamienahorsku, — adznačaje surazmoŭca «Našaj Nivy». — Tak i hetamu prapanavali niešta takoje drobnaje, čaho honar «ministra pa śledstvie» nie moh vynieści, paličyŭšy za lepšaje być biespracoŭnym, čym słužyć na takoj dziaržaŭnaj słužbie».
Čytajcie taksama:
Ivan Naskievič napisaŭ kandydackuju dysiertacyju, u jakoj abhruntoŭvaje metazhodnaść isnavańnia Śledčaha kamiteta
Zamiest Naskieviča staršynioj Śledčaha kamiteta staŭ Dźmitryj Hara, jaki 26 hadoŭ słužyŭ u KDB
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ15
Kamientary