Łava-kiejk — desiert, jaki lubiać šmat u jakich krainach śvietu. Jon padobny da šakaładnaha kieksa, siaredzina jakoha nieprapiečanaja i zachoŭvaje miakkuju kansistencyju. Voś pravierany recept, pa jakim vy zmožacie zrabić łava-kiejk sami.
Fota: BBC Food.
Kab pryhatavać łava-kiejk pa našym recepcie, vam spatrebicca:
- 175 hramaŭ masła (+ troški jašče, kab zmazać formu)
- 200 hramaŭ pasiečanaha ciomnaha šakaładu
- 3 vialikija jajki
- 175 hramaŭ cukru
- 30 hramaŭ muki
Kab zrabić marožanaje da łava-kiejka, padrychtujcie:
- 40 hramaŭ masła
- 75 hramaŭ chlebnych krošak
- 4 banany (treba ich drobna parezać i zamarozić)
- 3 čajnyja łyžki arachisavaj pasty
- Razahrejcie duchoŭku da 180 hradusaŭ. Vaźmicie formu dla vypiakańnia daŭžynioj 20—25 santymietraŭ i zmažcie jaje masłam.
- Rastapicie masła ŭ rondali. Zdymicie z ahniu i aściarožna ŭmiašajcie ŭ masła pałovu šakaładu, kab jon raspłaviŭsia.
- U miscy dla źmiešvańnia ŭźbivajcie jajki i cukar, pakul sumieś nie nabudzie bledny koler i nie stanie hustoj. Umiašajcie tudy šakaładnuju sumieś, dadajcie prasiejanuju muku. Pakładzicie ŭ sumieś reštki šakaładu i pieramiešvajcie jaje z dapamohaj kuchonnaj łapatki, pakul sumieś nie stanie adnarodnaj. Pieramiaścicie ciesta ŭ formu.
- Vypiakajcie łava-kiejk 20 chvilin. Budźcie ŭvažlivyja: kali jon budzie hatovy, pa bakach łava-kiejk pavinny być ćviordym, ale centr piraha budzie trochi miakkim, niby pasta.
- Pakul vypiakajecca łava-kiejk, zajmiciesia marožanym. Rastapicie masła na patelni, dadajcie chlebnyja kroški i smažcie ich, pakul jany nie stanuć karyčnieva-załatymi. Astudzicie.
- Pakładzicie banany i arachisavuju pastu ŭ błendar ci kuchonny kambajn, pieramiešvajcie da adnarodnaj sumiesi. Pieramiaścicie jaje ŭ misku da chlebnych krošak i aściarožna źmiašajcie.
- Padavajcie łava-kiejk z marožanym, jak tolki jon budzie hatovy.
Recept na vychodnyja: niečakana cikavy piroh z morkvy
Recept na vychodnyja: bananavy kieks
Ciapier čytajuć
Piać mutnych momantaŭ u historyi pra danosčyka Bialucina i «śpiecapieracyju» KDB7
Piać mutnych momantaŭ u historyi pra danosčyka Bialucina i «śpiecapieracyju» KDB
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary