Kali vybirać miž snom i fitnesam, što važniejšaje? Voś što kažuć miedyki
Situacyja: u vas maleńkaje dzicia ci nienarmavany hrafik na pracy, i vy amal nie majecie volnaha času. Pry hetym chočacca i vysypacca, i znachodzić čas na treniroŭki. Ale što rabić, kali prychodzicca vybirać niešta adno?
Daktary ličać, što hety vybar sam pa sabie žudasny. I son, i fizičnaja nahruzka — važnyja kampanienty zdarovaha ładu žyćcia, i nielha ich supraćpastaŭlać adzin adnamu, piša New York Times.
Son važny dla paśpiachovych trenirovak, bo jon źnižaje ryzyku traŭmavańnia i dapamahaje muskułam adnaŭlacca. Kali vy niedasypajecie, vaš imunitet paharšajecca, što pavialičvaje vašy šansy zachvareć — i, adpaviedna, prapuścić treniroŭku. Niedasyp, jak ličać navukoŭcy, pavialičvaje ryzyku roznych prablem sa zdaroŭjem, u tym liku lišniaj vahi, sardečna-sasudzistych chvarobaŭ i dyjabietu.
Viadoma, što i rehularnyja treniroŭki taksama prynosiać karyść zdaroŭju. Naprykład, jany palapšajuć jakaść snu.
Kali niama času na paŭnavartasnyja treniroŭki, zaŭsiody jość mahčymaść uklučyć u vaš režym dnia trochi bolš fizičnaj nahruzki. Naprykład, možna karystacca leśvicami, a nie liftami, ci pasprabavać mini-kompleksy praktykavańniaŭ daŭžynioj, skažam, u piać chvilin.
Lepš za ŭsio znajści bałans pamiž dastatkovaj kolkaściu snu i treniroŭkami.
Kali chočacca treniravacca, ale vy vymušanyja try razy za noč pračynacca praź dziaciej, lepiej usio ž vybrać son.
Nazvanyja try pradukty, abaviazkovyja dla štodzionnaha ŭžyvańnia
Vučonyja nazvali charakterny simptom stełs-amikrona
U zahinułaj u Ślapiancy dziaŭčynie apaznali Janu Kastrankovu2
Kamientary