Akcior Michaił Baryšnikaŭ, piśmieńnik Barys Akunin i ekanamist Siarhiej Huryjeŭ zaklikali ŭsich ruskich dapamahać ukrainskim uciekačam
Akcior Michaił Baryšnikaŭ, piśmieńnik Barys Akunin i ekanamist Siarhiej Huryjeŭ chočuć sabrać 500 tysiač funtaŭ sterlinhaŭ na dapamohu ŭkraincam.
Akcior Michaił Baryšnikaŭ, piśmieńnik Barys Akunin i ekanamist Siarhiej Huryjeŭ vystupili z zajavaj suprać vajny.
«Dziaržava «Rasijskaja Fiederacyja», uładu ŭ jakim zachapiŭ dyktatar, raźviazała złačynnuju vajnu.
Heta ŭdar pa ŭsich nas, ludziach, jakija naležać da ruskaj kultury i razmaŭlajuć na ruskaj movie. Samo słova «ruski» stała ŭ vačach śvietu taksičnym.
Ale ŭ tysiaču razoŭ strašniejšaje toje, što zaraz adbyvajecca ź blizkim nam ukrainskim narodam. Na našych vačach razhortvajecca sapraŭdnaja humanitarnaja katastrofa. Mnohija sotni tysiač ukraincaŭ stracili ŭsio: svoj dom, srodki da isnavańnia, majomaść. I kolkaść biežancaŭ budzie raści, situacyja budzie tolki paharšacca.
Bolšaść z nas znachodzicca daloka ad miesca padziej, mnohija ‒ vielmi daloka. U nas niama mahčymaści spynić hety kašmar. Ale my nie možam, nie chočam, nie majem prava biaździejničać. Samaje mienšaje, što my možam zrabić, ‒ akazać dapamohu ludziam, jakija biahuć ad rasijskaj ‒ nie, ad pucinskaj ‒ armii.
Davajcie ŭsim ruskim miram dapamahać ukrainskim uciekačam.
Dyktatar viadzie vajnu nie tolki z Ukrainaj, ale i z ułasnaj krainaj, pazbaŭlajučy jaje budučyni, vytoptvajučy i źniščajučy ŭ joj usio žyvoje, nasadžvajučy paŭsiul mierćviačynu», ‒ havorycca ŭ zajavie.
Jaje aŭtary abvieścili zbor srodkaŭ dla dapamohi ŭkraincam. Jany chočuć sabrać paŭmiljona funtaŭ sterlinhaŭ. Sabrana ŭžo bolš za pałovu anansavanaha.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła6
Kamientary