Kanada ŭviała sankcyi suprać Tapuzidzisa, Šakucina, Piefcijeva i inšych
MZS Kanady apublikavaŭ novy śpis sankcyj. Jany ŭklučajuć abmiežavańni ŭ adnosinach da dzieviaci biełaruskich hramadzian, piša reform.by.
U sankcyjnym śpisie akazalisia namieśniki ministra abarony Andrej Žuk, Andrej Burdyka i Siarhiej Simanienka.
U śpisie taksama viadomyja biznesmieny. U śpis uvajšli:
Alaksandr Šakucin («Amkador»),
Valancin Bajko (člen Savieta Respubliki, «Konte SPA»),
Jaŭhien Baskin («Siervaluks»),
Pavieł Tapuzidzis («Karona», «Tytuń-Inviest»),
Uładzimir Piefcijeŭ,
Anatol Tarnaŭski.
Uładzimir Piefcijeŭ traplaje pad sankcyi ŭžo nie pieršy raz. Raniej jaho źviazvali z handlem zbrojaj praz «Biełtechekspart». Taksama dziesiać hadoŭ tamu pad sankcyjami byŭ Anatol Tarnaŭski.
Padsakcyjnym asobam zabaraniajecca ŭjezd u krainu, ich aktyvy zamarožvajucca. Taksama kanadskim hramadzianam zabaraniajecca akazvać im sadziejničańnie, vieści handal, pieradavać technałohii.
Kamientary