«Biez asablivaj ryzyki možna atrymać kala 100 dalaraŭ». Kolki ciapier zarablajuć na pieravozcy paliva i cyharet u Polšču i Litvu
Źniaćcie kavidnych abmiežavańniaŭ Biełaruśsiu i susiednimi krainami viarnuła žycharam pamiežža mahčymaść zarablać na kantrabandzie tavaraŭ. «Naša Niva» raźbirałasia, kolki ciapier prynosić pamiežny «biznes».
Dumali, idziom u adpačynak
Naš surazmoŭca Alaksiej (imia źmienienaje pa prośbie hieroja) uspaminaje, što kali ŭ sakaviku 2020 hoda zajavili, što miežy začyniajucca, to jon i jaho kalehi dumali, što prosta pojduć u niezapłanavany adpačynak.
«Nichto navat ujavić sabie nie moh, što miežy pratrymajuć začynienymi cełyja dva hady. Dumali, zaraz tydni dva adpačniom i znoŭ praciahniem «pracavać».
Miesiacy praz dva ludzi pačali šukać pracu, ale z hetym, jak viadoma, było tuha. Dy i nie adzin kantrabandyst, jaki siabie pavažaje, nie chacieŭ ceły miesiac chadzić na pracu za 300—400 dalaraŭ», — uspaminaje surazmoŭca.
«Chtości moh vazić pa 10 błokaŭ, chtości 30, a chtości ŭsie 40.
Šancavańnie ŭ hetaj spravie hraje nie apošniuju rolu. Ale kali kazać u cełym, to svaje 1000—1500 dalaraŭ na miesiac siaredni kantrabandyst usio ž mieŭ», — pryznaŭsia surazmoŭca.
Pa słovach byvałaha kantrabandysta, za dva hady mnohaje paśpieła źmianicca. Jak minimum prykmietna skaraciłasia kolkaść samich čaŭnakoŭ.
Z błoka cyharet vychodzić $12-15
Ciapier, pa słovach Alaksieja, narod patrochu pačynaje viartacca da raniejšaj spravy, ale vialikaha napłyvu pakul nie nazirajecca.
Taksama ciapier vyhadna vazić paliva. Na aŭtamabilach ź vialikimi bakami, jak na starych VW Passat, možna zarabić 40—50 dalaraŭ.
Litoŭcy prosiać pryvieźci kvas i kukuruznyja pałački
Naš druhi surazmoŭca jeździć u Litvu. Pavodle jaho słoŭ, u płanie pieraprodažu paliva hetaja kraina jašče bolš pryvabnaja.
Tyja ž litoŭcy, jakija kuplajuć paliva, prosiać pryvieźci lidskija kukuruznyja pałački i kvas, časam leki. U dadatak možna vieźci dva pački cyharet i butelku harełki. Heta pakryvaje vydatki na paliva i strachoŭku. Čystymi z takoj pajezdki vychodzić kala 65—70 dalaraŭ. U roźnicu našy cyharety kuplajuć pa 2—3 jeŭra za pačak, u zaležnaści ad marki. Tyja, chto vozić cyharety vialikimi partyjami (ad 10 błokaŭ i vyšej), zdajuć ich pierakupam, tam, naturalna, ceny nižejšyja».
«Vazić cyharety zvyš normy ja, ščyra kažučy, pabojvajusia. U Litvie štrafy vyšejšyja, čym u Polščy, a pakul «Bruzhi» začynienyja, jeździć praz Babroŭniki nie chočacca. Heta zanadta daloka. Naohuł płanuju jeździć nie čaściej za dva razy na tydzień.
«Naša Niva» adnaŭlaje zbor danataŭ — padtrymać prosta
Čytajcie taksama:
«Maštab lačeńnia nie adpaviadaje maštabu chvaroby». Płan kompleksnaj padtrymki ekanomiki ad Saŭmina — što ź im nie tak
Ciapier čytajuć
Vučebka ŭ Pskovie, abiacańnie anulavać kredyty i sudzimaści, ale ni słova pra samaje važnaje. Jak biełarusaŭ viarbujuć na vajnu8
Vučebka ŭ Pskovie, abiacańnie anulavać kredyty i sudzimaści, ale ni słova pra samaje važnaje. Jak biełarusaŭ viarbujuć na vajnu
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary