Začystka niezaležnych prafsajuzaŭ: prajšli pieratrusy ŭ ofisach i na kvaterach aktyvistaŭ
Prajšli pieratrusy ŭ ofisie Biełaruskaha kanhresa demakratyčnych prafsajuzaŭ na vulicy Sierafimoviča ŭ Minsku, a taksama ŭ kvaterach kiraŭnikoŭ BKDP Alaksandra Jarašuka i Siarhieja Antusieviča, paviedamlaje Radyjo Svaboda.
Na dadzieny momant nieviadoma, dzie i ŭ jakim statusie znachodziacca Jarašuk i Antusievič.
Taksama byŭ pieratrus u kvatery supracoŭnicy ofisa BKDP, paśla čaho jaje pavieźli na dopyt.
BKDP ab‘iadnoŭvaje Biełaruski niezaležny prafsajuz (BNP), Svabodny prafsajuz biełaruski (SPB), Svabodny prafsajuz mietalistaŭ (SPM) i Biełaruski prafsajuz rabotnikaŭ radyjoelektronnaj pramysłovaści (REP).
Ahułam jany abjadnoŭvajuć kala 12 tysiač čałaviek.
Raniej 19 krasavika ŭ pravaabaroncaŭ źjaviłasia infarmacyja pra pieratrus u ofisie Svabodnaha prafsajuza mietalistaŭ na vulicy Aranskaj u Minsku. Jaho pravodzili kala 10 čałaviek u bałakłavach.
Taksama pieratrus siońnia dakładna adbyŭsia na ofisie prafsajuza REP. Pra jaho padrabiazna raskazaŭ kiraŭnik partyi «Biełaruskaja sacyjał-demakratyčnaja Hramada» i były kandydat u prezidenty Siarhiej Čeračań, jaki tam vypadkova apynuŭsia.
Nie abyšła hetaja chvala i rehijony. Pakul što viadoma, što pieratrusy byli ŭ staršyni Svabodnaha prafsajuza biełaruskaha (SPB) Mikałaja Šaracha ŭ Połacku. Spačatku siłaviki pryjšli da jaho dadomu, a zatym — adpravilisia da kvatery dački prafsajuznaha lidara. U vyniku Mikoła Šarach zatrymany.
Čytajcie taksama:
«Spačatku pastavili tvaram da ściany, potym dazvolili prysieści». Siarhiej Čeračań raskazaŭ, jak prachodziŭ pieratrus u ofisie prafsajuza REP
Cichanoŭski raskazaŭ, što treba było rabić u žniŭni 2020-ha62
Kamientary