Patryjarch Maskoŭski i ŭsiaje Rusi Kirył zaklikaŭ narod zhurtavacca vakoł ułady i nie dać zamiežnym centram razburyć niezaležnaść Rasii. Jon skazaŭ heta 25 krasavika ŭ propaviedzi paśla słužby va Uśpienskim sabory Kramla.
«Niaprosta ŭsio składvajecca vakoł našaj Ajčyny (…) I tamu narod naš siońnia pavinien asabliva zhurtavacca vakoł hetaha histaryčnaha centra ŭsiaje Rusi — vakoł hrada Maskvy, razumiejučy, što tolki ŭ adzinstvie naša siła, i pakul budziem adzinyja i mocnyja, pakul budziem zachoŭvać vieru ŭ sercach, pakul budziem natchniacca vialikim prykładam našych papiarednikaŭ, voś da taho času i budzie Rasija niepieramožnaja», — zaklikaŭ kiraŭnik RPC.
Jon źviarnuŭ uvahu na niejki nibyta ŭłaścivy rasijanam asablivy «duch»: «I siońnia vielmi mnohija chacieli b, kab hety duch źnik. A dla taho, kab było tak, treba pasiejać smutu, stvaryć novych idałaŭ, pryciahnuć uvahu da novych psieŭdakaštoŭnaściaŭ, pieravieści śviadomaść čałavieka ad viertykalnaha vymiareńnia žyćcia, jakoje złučaje čałavieka z Boham, da haryzantali, na jakuju nasadžvajucca ŭsie patreby čałaviečaha cieła».
Nahadaŭšy, što ciapierašniaja słužba prajšła ŭ chramie-pomniku, stvoranym u XV stahodździ ŭ znak abjadnańnia ruskich ziamiel, patryjarch pažadaŭ, kab hieraičnyja prykłady minułaha natchniali i sučasnych rasijan na abaronu «našaj sapraŭdnaj niezaležnaści ad mahutnych centraŭ ułady, što isnujuć siońnia na ziamli».
Heta ŭžo nie pieršy vypadak, kali patryjarch Kirył faktyčna błasłaŭlaje vajnu Rasii z Ukrainaj z usim tym, što padčas jaje tvorycca. Ad samaha pačatku vajennych dziejańniaŭ jon nie tolki ni razu nie asudziŭ vajennyja dziejańni, ale i całkam va ŭsim salidaryzujecca z rasijskimi śvieckimi ŭładami. Heta maje vynikam toje, što aŭtarytet RPC i jaje kiraŭnictva katastrafična padaje, asabliva ŭ jeparchijach pa-za miežami Rasii. Va Ukrainie mnohija jeparchii aficyjna admovilisia jaho paminać padčas słužbaŭ, a mitrapalit Vilenski Inakiencij adkryta skazaŭ, što palityčnych pohladaŭ patryjarcha nie padzialaje.
Čytajcie taksama:
200 ukrainskich śviataroŭ Maskoŭskaha patryjarchata inicyjavali mižnarodny carkoŭny trybunał dla patryjarcha Kiryła
Jak patryjarch Kirył apraŭdvaje vajnu
«Hrech Kaina». Jak Maskva straciła ciapier užo i ŭkrainskich pravasłaŭnych Maskoŭskaha patryjarchata
Pravasłaŭny mitrapalit Vilenski: My nie zhodnyja z dumkaj patryjarcha Kiryła pa Ukrainie
Pavodziny patryjarcha roŭnyja vajennamu złačynstvu — mierkavańnie
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary