«Biełkaapsajuz» praciahvaje vajnu z Anžalikaj Ahurbaš — niama ni hrošaj, ni futraŭ
Jak zajaviŭ ŭ efiry STB staršynia arhanizacyi Aleh Mackievič, sud zabaraniŭ śpiavačcy kancerty z-za historyi z futrami.
«Nie viedaju, jak jana adčuvaje siabie ŭ futrach, ale adčuvaje siabie niaŭtulna paśla rašeńnia našaha ekanamičnaha suda. Tam pradjaŭlenyja ŭsialakija sankcyi da peŭnaj nieruchomaści, zabarona na peŭnyja dziejańni, u tym liku kancerty. Pra apłatu ja vam skažu: z šaści miljonaŭ rasijskich rubloŭ jana zapłaciła 90 tysiač. Tamu my budziem stajać da kanca — abo viarnicie futry, abo zapłacicie hrošy. U damovie ŭsio napisana», — skazaŭ Mackievič.
Epapieja ciahniecca z 2018 hoda, kali pad Ahurbaš stvaryli śpiecyjalnuju kalekcyju futraŭ «Biełkaapsajuza», jakija jana pavinna była dapamahčy pradać. Ale paśla taho, jak śpiavačka vykazała svaju hramadzianskuju pazicyju, na jaje padali ŭ sud, bo futry ni pradali, ni viarnuli nazad.
«Tak. Futraŭ niama, pa mienšaj miery na terytoryi «Biełkaapsajuza», — skazaŭ Mackievič.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy23
Kamientary