U intervju vicie-prezidientu amierykanskaha ahienctva Associated Press Ianu Filipsu Łukašenka skazaŭ, što, na jaho dumku, rasijskaja «śpiecapieracyja» zaciahvajecca. Pierad jaje pačatkam jon byŭ upeŭnieny, što ŭkraincy zmohuć pratrymacca tolki paru dzion.
«Ale ja niedastatkova pahružany ŭ hetuju prablemu, kab kazać, ci idzie jana pa płanie, jak kažuć rasijanie, ci tak, jak ja heta adčuvaju. Chaču jašče raz padkreślić, ja adčuvaju, što hetaja apieracyja zaciahnułasia», — zajaviŭ Łukašenka.
Na dumku Łukašenki, Ukraina «pravakavała Rasiju» na vajnu. Što da Biełarusi, to kraina vystupaje za mir.
«My kateharyčna nie prymajem nijakuju vajnu. My rabili i robim ciapier usio, kab nie było vajny. Dziakujučy mnie pačalisia pieramovy pamiž Ukrainaj i Rasijaj», — dadaŭ Łukašenka, jaŭna pierabolšvajučy ŭłasnaje značeńnie i zamoŭčvajučy toj vidavočny fakt, što napad na Ukrainu i jaje abstreły rabilisia ŭ tym liku i z vykarystańniem biełaruskaj terytoryi.
Kamientary