Na volu vyjšła palitviaźniavolenaja Alena Dziadziula, asudžanaja pa «spravie ciukoŭ»
Palitźniavolenaja Alena Dziadziula całkam adbyła termin i siońnia vyjšła z žodzinskaj turmy №8, paviedamlaje «Viasna».
Sudździa Viktoryja Sudnik 31 studzienia pryznała fihurantaŭ rezanansnaj «spravy razmalavanych ciukoŭ z sałomaj» vinavatymi pa č. 2 art. 339 KK (Chulihanstva hrupaj asobaŭ) i pryznačyła ŭsim jaje fihurantam, akramia Kaciaryny Aryka, hod kałonii va ŭmovach ahulnaha režymu. Takoje pakarańnie atrymali Andrej Aryka, Maksim Dubieška, Alaksandr Babko, Volha Dubovik, Alena Dziadziula, Ihar Myśliviec. Kaciarynu Aryka asudzili da 1,5 hoda «chatniaj chimii» i vyzvalili ŭ zali suda.
Na sudzie stała viadoma, što na pole siłaviki pryjechali z aŭtamatami, supracoŭniki na zatrymanych malavali svastyku, niekatorych źbivali. Taksama, pa słovach abvinavačanych, akcyju, pa sutnaści, arhanizavaŭ «nieviadomy chłopiec», jaki prapanoŭvaŭ abvinavačanym u telehramie razmalavać ciuki pad Dziaržynskam. Siarod zatrymanych jaho nie akazałasia.
Kamientary