U krainie, dzie pałova siadzieła, a pałova sadžała, samyja dušeŭnyja filmy — pra dziaciej i zekaŭ.
Kanikuły suvoraha režymu (Kanikuły strohoho riežima)
Rasieja, 2009, kalarovy, 113 chv.
Režysior: Ihar Zajcaŭ
Roli vykonvajuć: Siarhiej Biazrukaŭ, Dźmitry Dziužaŭ, Sabina Achmietava, Alena Babienka, Alaksiej Kraŭčanka
Žanr: Kamiedyja pavodle knihi Andreja Kivinava i Fiodara Krastavoha
Adznaka: 6 (z 10)
Paśla turemnaha buntu z zony ŭciakajuć były milicyjant Kalcoŭ, jakoha marać zabić sukamierniki, i złodziej u zakonie Sumarokaŭ, skinuty z vysokaj pasady. Kab vyratavacca, byłyja kłasavyja vorahi musiać dapamahać adzin adnamu. A tut jašče novaje vyprabavańnie — dziela maskiroŭki hieroi hrajuć rolu važatych u pijanierskim łahiery. Šalonyja dzietki nie daduć im zasumavać.
Hrošavybivalny prajekt pieršaha rasijskaha telekanału z abaviazkovymi zorkami Dziužavym i Biazrukavym atrymaŭsia nadziva hladzielnym filmam. U karcinie niama štučnaha pafasu apošnich rasijskich kinapremjer: ad «Admirału» da «Načnoha dazoru». Adsutničajuć nizkaprobnaja pietrasianaŭščyna, natužliva-tupyja ŭśmieški šmatlikich kłubaŭ i naviaźlivaja błatnaja ramantyka.
Jość — dobraja historyja pra hramadstva i pra ludziej. Z łahieru ŭ łahier traplajuć hieroi i praciahvajuć tradycyi «Džentelmienaŭ udačy» dyj «Zaprašajem, ci starońnim uvachod zabaronieny». Šychtavańnie i śpievy, piarłoŭka na śniadanak i teatralnyja pradstaŭleńni dla vysokich haściej. Praŭda, vybuchovy satyryčny pafas pijanierłahiernaj kamiedyi załahodžany i dyjetyčny; patencyjał siužetu skarystany nie napoŭnicu, a asobnyja siužetnyja linii raspaviadajucca skarahavorkaj.
Niahledziačy na hetaje, novaja rasiejskaja stužka — niebłahaja kamiedyja. U krainie, dzie pałova siadzieła, a pałova sadžała, samyja dušeŭnyja filmy — pra dziaciej i zekaŭ.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary