«Balić — tryndziec jak». Vadanosava raspaviała pra apieracyju i ciapierašniuju reabilitacyju
U kancy maja śpiavačka Kaciaryna Vadanosava daviedałasia, što ŭ jaje rak małočnaj załozy. Niadaŭna joj u Polščy zrabili apieracyju. U Instagram jana raspaviała, jak taja prajšła i jak ciapier siabie adčuvaje.
Siezon postapieracyjnaha čyłaŭtu abjaŭlaju adkrytym.
Adpuścili dadomu. U paniadziełak — na pieraviazku, ahlad i zaniatki pa reabilitacyi i raspracoŭcy ruki.
Što ja vam skažu: apieracyja — fihnia. Padčas apieracyi ty śpiš, i tabie narmalna. Mnie, naprykład, śniłasia pad narkozam, što ja jem buterbrody z džemam. Potym, pakul praz katetar tabie špulajuć stopiccot kropielnic, u tym liku i anabolikaŭ, taksama ok.
Balničnyja łožki ŭpraŭlacca pulcikami: zachacieła — na knopačku nacisnuła, i śpinku padniała, zachacieła — apuściła, a nohi, naadvarot, zadrała, — kajf. A ŭ kvatery, na raskładnoj haŭniackaj kanapie — byccam askiezu na siabie ŭskładaješ… Ale luby minus možna pieratvaryć u plus: naprykład, panyć i vyprasić u muža šezłonh na haŭbiec)) Ciapier siadžu jak chamavataja pamieščyca sa stararežymnych ramanaŭ, pledam ukrytaja, u pižamie, hladžu na śviet z vyšyni svajho stanovišča)
Paśla apieracyi viečaram straciła prytomnaść u prybiralni, upała, udaryłasia ab rakavinu, ciapier doma ahledzieła siabie, jak mahła — mamački! Pabitaja hałava, usio plačo siniaje, na pravym paŭdupji — hiematomišča… Prajhrała boj tubziku.
Drenažny šłanh, ušyty pad skuru zamiest vyrazanaha limfavuzła, mulaje jašče. Paru razoŭ zabyvałasia, što na jaho kancy — butelka, kudy ściakaje limfakryvianaja vadkaść ź mianie (adzin siabar nazvaŭ heta «vadanosavy sok»: jak biarozavy, tolki vanitoŭna-brydki), i vałačyła za saboj hety kanstrukt, jak kaciny chvost ź blašankaj na kancy.
Novaja hrudź pakul razy ŭ dva bolšaja za staruju. Usie kažuć, što pryhažejšaja, i prapanujuć zrabić, kab pravaja, staraja, była takoha ž pamieru. A ja čakaju, pakul spadzie aciok, i vierniecca moj miły dobry pamier A, ź jakim možna choć na batucie skakać, choć madelkaj być: pasuje ŭsio i siadzić cudoŭna, jak na viešałcy.
Sama chadzić pakul nie mahu. Takoje adčuvańnie, što zamiest raku mianie zarazili chvarobaj Parkinsona.
Karaciej, usio narmalna. Šoŭ vyhladaje pryhoža, nitački ź jaho tyrčać błakitnyja, jod vakoł skuru pafarbavaŭ u załaty — prama jak miły sercu ściah [ukrainski], i akurat kala serca.
A nasamreč balić — tryndziec jak. I z trubkaj hetaj ź cieła, moža, jašče miesiac chadzić. I apieracyja — heta tolki pačatak. Ale čas, zdajecca, jość. Tak što svoj marafon prajści, spadziavajusia, paśpieju.
Śpiavačka Kaciaryna Vadanosava — pra rak i dumki paśla pastanoŭki dyjahnazu
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam11
Kamientary