«Nie soramna vajnu spansiravać?» Błohier «Kokobaj» zrabiŭ ahlad restaranaŭ Maskvy — i trapiŭ u skandał
Minski fudchantar Pavieł Kramar, bolš viadomy jak «Kokobaj», —adzin z samych papularnych biełaruskich błohieraŭ. Jon zajmajecca ahladami na ŭstanovy charčavańnia: kaviarni, restarany, fud-korty.
Kramar maje amal 460 tysiač padpisčykaŭ u instahramie, 110 tysiač — u telehram-kanale, plus inšyja sacsietki i papularny sajt.
Niadaŭna błohier vyrašyŭ adkryć šenhienskuju vizu, a zrabić heta ŭ siońniašnim Minsku, miakka kažučy, vielmi składana. Praz heta Pavieł razam ź siabrami pajechaŭ u Maskvu, kab pasprabavać padacca tam na ispanskuju vizu.
Paśla jon vypuściŭ niekalki materyjałaŭ pra svaju pajezdku.
Usio b ničoha — niaprostyja časy patrabujuć niestandartnych rašeńniaŭ, — ale Kramar vyrašyŭ zrabić jašče i ahlad niekatorych maskoŭskich restaranaŭ.
Jon vykłaŭ spravazdaču naviedvańnia italjanskaha restarana («Na traich — 440$, dzie ałkaholu tolki 3 kaktejli, jak abakrali! Tolki dziela łuchary adpačynku ź vinom na terasie, pa ježy jakasna, ale doraha!»), bara («Za traich biez kavy ź biaspłatnaj vadoj — 46$. Smačna, jakasny pradukt, ale nie horš, čym śniadanki ŭ 60% ustanoŭ Minska»), modnaj kaviarni («Całkam ścipła pa maskoŭskich mierkach — 80$»).
Padzialiŭsia taksama ŭražańniami ad miascovaha fud-korta i šaŭrmy, zavitaŭ u kaljannuju.
Usie svaje emocyi Pavieł padrabiazna i ščyra apisaŭ na sajcie. Prastaviŭ ustanovam adznaki ŭ «kokobajach», raśpisaŭ košty.
I atrymaŭ tonu chejte ŭ sacsietkach.
Voś tolki niekatoryja kamientary:
Vyhladaje, Pavieł ździejśniŭ kłasičnuju «pamyłku Nurłana Saburava» — moh by pramaŭčać, ale skazaŭ nie toje i nie ŭ toj čas. Zrazumieła, što padčas pajezdki ŭ Maskvu nielha nie jeści — ale pakazalna chvalicca pachodami pa restaranach siońniašniaj rasijskaj stalicy?
Ci to dla jaho sapraŭdy nie maje roźnicy, što prosta zaraz Rasija źniščaje Ukrainu, ci to jon zrabiŭ svoj ahlad, prosta nie padumaŭšy, — niezrazumieła. Vybačacca publična siarod biełaruskich sielebryci nie vielmi pryniata. Paproki ŭ sacsietkach Kramar pakul prosta praihnaravaŭ.
«Naša Niva» źviarnułasia pa kamientar da Paŭła, jon pračytaŭ paviedamleńnie, ale vyrašyŭ nie adkazvać.
U vizach, darečy, admovili i jamu, i jaho siabram. Ciapier Kramar płanuje papytać ščaścia znoŭ i prasić vizu ŭ italjancaŭ.
Čytajcie taksama:
Baradaty aniekdot ad «Kokobaja» suprać «vahinnaha markietynhu»: skandał vakoł rekłamy žanočaj kliniki
Samaha papularnaha restarannaha krytyka Biełarusi z Koko.by čytajuć 270 tysiač čałaviek. A jon užo stamiŭsia jeści!
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary