Kamanda dziejačaŭ mastactva ź Litvy, Ukrainy i Estonii abjadnała svaje namahańni, kab pasłać śvietu viestku. Mastakoŭ padtrymlivaje Pasolstva Ukrainy i ŭkrainskaja hramada Litvy. Mastaki pieratvorać budynak-pryvid u simvał mocy Ukrainy, paviedamlaje Delfi.lt.
«Viadoma, «Dom Maskvy» my vybrali nievypadkova. Hety budynak pavinien byŭ stać simvałam mocy Rasiei, my ciapier uviekaviečym u im toje, što vyklikaje kanvulsii ŭ Kramla — rašučy adpor Ukrainy. U peŭnym sensie my addajem dom Maskvy Ukrainie. Možam zrabić heta ŭsim razam — mastakam, pradprymalnikam i ŭsim ludziam dobraj voli», — skazała aŭtarka idei, kiraŭnik łabaratoryi mastactva Kiaurai sienas Lina Šlipavičucie.
Na fasad «Doma Maskvy» pieraniasuć fatahrafiju Aleny Citarenka z cykła partretaŭ, na jakoj adlustravanaja vałanciorka, jakaja dapamahaje biežancam i ukrainskim vajskoŭcam u Zaparožžy. Nazva prajekta — Da pieriemohi/ Do pobiedy / Iki pergalės.
Ideju padtrymali i hramada ŭkraincaŭ Litvy, i pasolstva Ukrainy. «Nieafreska na tak zvanym Domie Maskvy stanie svoječasovym i mahutnym simvałam adzinstva krain Bałtyi i Ukrainy», — skazaŭ pasoł Ukrainy Piatro Biešta.
Dla ažyćciaŭleńnia prajekta patrabujecca 13 000 jeŭra.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
nii Pomorѧnie…”