Mała jakija rečy mohuć tak abjadnoŭvać ludziej, jak smačnaja i pryhožaja ježa, a kali dadać da jaje jašče i dobruju historyju, sapraŭdny pośpiech amal harantavany. Tamu raim vam novy sieryjał «Miadźviedź».
Małady i talenavity šef-povar Karmen Bierzata z vopytam pracy ŭ najlepšych restaranach śvietu viartajecca dadomu ŭ Čykaha. Tam jaho čakaje nie ŭstanova z zorkami Mišlen, a niešta bolš ścipłaje — kaviarnia z sendvičami, što raniej naležała jaho pamierłamu bratu, piša Variety.
U spadčynu Karmenu dastajucca i byłyja supracoŭniki brata: kreatyŭny piekar Markus, niepachisny kuchar Ebrachajm i miascovy krykun Ryčy. Jość taksama roznarabočy Nił i aściarožnaja asistentka povara Cina — z kožnaj sieryjaj vy budziecie daviedvacca niešta novaje pra ich.
Usioj hetaj kampanii nie tak prosta zvyknucca z novym šef-povaram i jaho vopytam pracy ŭ topavych ńju-jorkskich restaranach. Situacyja vyhladaje jašče bolš bieznadziejnaj praz toje, što pamierły brat Karmena pavinien ich dziadźku sotni tysiač dalaraŭ.
U hetym sieryjale vy nie ŭbačycie tak zvanaha «charčovaha porna» — apietytna zhatavanaj ci sierviravanaj ježy. Zatoje, kali vam cikava, jak zrabić dobry sendvič, kolki zachapleńnia treba ŭ jaho ŭkłaści i jaki šlach jon prachodzić padčas hatavańnia, «Miadźviedź» raskaža.
Raniej śviet užo bačyŭ sieryjały pra toje, jak pracujuć restarany, ale ž «Miadźviedź» pieradaje ŭvieś stres, praź jaki pastajanna prachodziać supracoŭniki takich ustanoŭ. Dedłajny, nieapłačanyja rachunki, niapoŭnyja aptovyja zakazy — usio heta abryniecca na vas užo ŭ pieršyja piać chvilin sieryjała.
Kuchnia kaviarni Bierzaty — heta miesca, dzie žyvie sapraŭdnaja kakafonija z krykaŭ «tak, šef», dzie pad kiraŭnictvam patrabavalnaha šefa pracuje kučka pierfiekcyjanistaŭ. I ŭ hetaha sieryjała nie adniać taho, jak dakładna jon adlustroŭvaje adrenalin isnavańnia prafiesijnaj kuchni, finansavuju nienadziejnaść takoha biznesu i žadańnie padparadkavacca hetamu rytmu žyćcia, niahledziačy ni na što.
«Miadźviedź» — toje redkaje telešou, u jakim amal nie znajści ramantyki, što, mahčyma, dazvalaje jaho stvaralnikam bolš skancentravacca na pracoŭnaj atmaśfiery kuchni. I jość u im niešta, što niemahčyma padrabić: adčuvańnie praŭdapadobnaha hoładu, jaki prymušaje vas žadać usio bolš i bolš.
Rejtynhi na vialikich suśvietnych resursach:
IMDB — 8,5/10,
Rotten Tomatoes — 100%.
Što pahladzieć: «Šervud» — adzin z najlepšych detektyvaŭ za apošni čas
Što pahladzieć. «Apošnija dni Ptalemieja Hreja» — jak addać usio za miesiac zvyčajnaha žyćcia
-
«Čužy: Ziamla» — krytyki raschvalvajuć novy sieryjał pa kultavaj kinafranšyzie. A što nasamreč?
-
Pamior akcior Terens Stemp, viadomy pa rolach u «Supiermienie» i «Zornych vojnach»
-
Biełaruskija akciory, jakija syhrali hałoŭnyja roli ŭ niamiecka-aŭstryjskim filmie, atrymali ŭznaharody na kinafiestyvali ŭ Łakarna
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary