Na BT novy hieroj. Paru hadoŭ tamu ŭ Minsku jaho pabili za majku z nadpisam «DNR», a ciapier jon pryjechaŭ adpačyć z frontu
Hierojem prapahandy staŭ Siarhiej Łanavienka, jaki pajechaŭ vajavać na baku «DNR». Intervju ź im vyjšli i na BT, i ŭ «Minskaj praŭdzie». U siužecie jaho nazyvajuć «biełaruski vajenny dobraachvotnik». Mužčyna raskazvaje, što pryjechaŭ z frontu ŭ Biełaruś u adpačynak.
Łanavienka — były desantnik, udzielnik pikietaŭ u padtrymku «Ruskaha śvietu». 46-hadovy mužčyna rodam z Asipovičaŭ, raniej zajmaŭsia ramontam aŭto.
U hučnuju historyju jon trapiŭ u 2018 hodzie. Tady Łanavienku źbili la staličnaha handlovaha centra «Moma» (stancyja mietro «Mahiloŭskaja») — za majku «DNR». Jon raskazvaŭ, što pakul kuryŭ na stajancy, da jaho padjechała mašyna.
«Mnie adtul pakazvajuć «fak», ja adkazaŭ tym ža. Z mašyny pačułasia: «Chadzi siudy». Nu, ja i padyšoŭ.
Pytajusia žartam: «Vy što, banderaŭcy?» Jany kažuć, što, maŭlaŭ, tak. Słova za słova — pačałasia bojka. Atrymlivaju ŭdar ad adnaho ŭ levuju skułu. U mianie ŭdar pastaŭleny, bić nielha. Prymianiaju pryjom, kidaju adnaho na ziamlu. Tady nie ŭtrymaŭ druhoha, ad jakoha atrymaŭ nahoj u tvar. Padyšoŭ jašče treci, jaki im taksama dapamoh. Paśla hetaha pajechaŭ, užo paśla kalehi zavieźli mianie na miedycynski ahlad», — raskazvaŭ tady Łanavienka.
«Maja pazicyja — padtrymlivać ludziej, jakija chočuć miru ŭ «DNR», — tłumačyŭ jon, čamu chadziŭ pa horadzie ŭ takoj majcy.
Za hetuju bojku adnamu ź minčukoŭ prysudzili 1,5 hoda papraŭčych prac.
Siarhiej Łanavienka zaniesieny ŭ bazu «Miratvorac».
Paśla napadu Rasii na Ukrainu ŭ lutym 2022 hoda Łanavienka publikavaŭ fota z akupavanych terytoryj. Jon pisaŭ, što zajmajecca zboram i raźmierkavańniem humanitarnaj dapamohi, źviartaŭ uvahu «Fłahštok». Na fota były desantnik paziravaŭ z bajavoj zbrojaj na fonie rasijskaj vajskovaj techniki ź dziaržaŭnaj simvolikaj Biełarusi. Jon pisaŭ, što aścierahajecca pryjazdžać u Biełaruś, bo ŭ orhanaŭ mohuć być da jaho pytańni. Ale ž ciapier spakojna razdaje intervju.
Pa biełaruskim zakanadaŭstvie za samavolny ŭdzieł va ŭzbrojenym kanflikcie na terytoryi inšaj dziaržavy praduhledžanaja kryminalnaja adkaznaść — artykuły 133 i 361-3 KK. Hetymi artykułami ŭłady i prapahanda časta pahražajuć kalinoŭcam i inšym dobraachvotnikam, što vajujuć na baku Ukrainy, ale čamuści nie zhadvajuć ich, kali havorkaa zachodzić pra «DNR».
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam22
Kamientary