Barak Abama vyrašyŭ, što stvareńnie takoj sistemy moža abvastryć adnosiny z Rasijaj, dapamoha jakoj nieabchodna Złučanym Štatam u Afhanistanie i, mahčyma, Iranie.
Polskaja hazieta «Gazeta Wyborcza» paviedamlaje, što administracyja Baraka Abamy admoviłasia ad stvareńnia sistemy supraćrakietnaj abarony na terytoryi Polščy i Čechii.
Pavodle vydańnia, Abama vyrašyŭ, što stvareńnie takoj sistemy moža abvastryć adnosiny z Rasijaj, dapamoha jakoj nieabchodna Złučanym Štatam u Afhanistanie i, mahčyma, Iranie. Finansavy kryzis unios svaje karektyvy ŭ zamiežnuju palityku ZŠA. Nieabdumanaje rastračvańnie srodkaŭ moža kaštavać ciapierašniamu prezydentu pasady padčas nastupnych prezydentskich vybaraŭ u 2013 hodzie. Svoj adbitak na rašeńnie admovicca ad pabudovy sistem supraćrakietnaj abarony na terytoryi Polščy i Čechii nakłała i novaja ŭnutranaja palityka administracyi Abamy. U pryvatnaści, reforma sistemy achovy zdaroŭja, jakaja patrabuje vialikich finansavych vydatkaŭ.
Padobnyja pieramieny ŭ źniešniaj palitycy Złučanych Štataŭ Amieryki možna nazvać kardynalnymi. Heta realny krok na zbližeńnie z Rasijaj, a taksama admova ad umiašalnictva va ŭnutranyja spravy Jeŭrapiejskaha Sajuza. Polskija analityki adznačajuć, što zaraz pačynajecca novaja era ŭ adnosinach Vašynhtona i Varšavy.
Kamientary