Jak prahnać pavukoŭ? Kali vy prymienicie hetyja chitryki, pavuki źbiahuć z vašaha domu
Šmat chto nie lubić pavukoŭ — i navat baicca. Ale nie ŭsie viedajuć, jak ich pazbavicca. Raskazvajem prostyja i efiektyŭnyja sposaby.
Padtrymlivajcie čyściniu
Pavuki chavajucca ŭ kvaterach u pošukach ježy, piša Onet.pl. Zvyčajna heta charčovyja adchody abo miortvyja kazurki. Kab pazbavicca ich «łasunkaŭ», nie zabyvajcie rehularna prybiracca. Nie pakidajcie kroški na padłozie i sačycie za tym, kab zabitaja vami mucha trapiła ŭ śmiećcievaje viadro, a nie lažała dzie-niebudź pad radyjataram.
Kali prybirajeciesia pyłasosam, staranna prachodźciesia pa zakutkach la stoli. Taksama pierakanajciesia, što pavucińnia niama ŭ kutach pakojaŭ.
Zmahańnie z dapamohaj pachaŭ
Pavuki nie lubiać mnohich pachaŭ, i miata — adzin ź ich. Tamu dobraj idejaj budzie pasadzić travu ŭ vazon i pastavić jaho na padakońnik. Heta moža efiektyŭna pieraduchilić praniknieńnie pavukoŭ u chatu praz vokny.
Kali vyroščvańnie raślinaŭ — nie vaša stychija, prosta zrabicie advar z vady i miatnaha aleju. Raspylicie rastvor na akonnyja ramy, parohi dźviarej, padakońniki i kuty, dzie čaściej za ŭsio sustrakajucca pavuki. Majcie na ŭvazie, što praź niekatory čas vodar vyparajecca, tamu praceduru nieabchodna paŭtaryć, pažadana praz tydzień. Akramia miaty, dobra pasujuć vodary limona, karycy, vocatu i žałudoŭ.
Upryhažeńnie z žałudoŭ
Žałudy — dobry srodak dla baraćby z pavukami. Źbiarycie žałudy i kaštany i pastaŭcie ich u jakaści ŭpryhažeńnia na padakońnik. Ich pach budzie adhaniać pavukoŭ.
Maskitnaja sietka
Zamiest taho, kab prahaniać pavukoŭ, možna prosta pierarezać im šlach. Heta pieraduchilić praniknieńnie nie tolki pavukoŭ, ale i kamaroŭ, much i inšych nasiakomych.
«Chimija»
Kali rady pavukam dać nie atrymałasia, skarystajciesia chimičnymi srodkami abarony ad nasiakomych, jakija pradajucca ŭ kramach. Adnak majcie na ŭvazie, što niekatoryja ź ich mohuć być taksičnymi ci drenna pachnuć.
Ciapier čytajuć
Łatuška: 25 sakavika źnikła śpikierka KR Anžalika Mielnikava20
Kamientary
Vyhonitie pavukou i ubieditieś, skolko miełkich nasiekomych u vas na samom diele v žiliŝie živiot.
Pavuki dieržat v bałansie mini ekosistiemu.