Rasijskaja śpiavačka biełaruskaha pachodžańnia Anžalika Ahurbaš vystupiła na kancercie ŭ honar 85-hodździa z dnia naradžeńnia śpievaka Iosifa Kabzona ŭ haradskim pasiołku Ahinskaje Zabajkalskaha kraja.
Akramia Ahurbaš, u kancercie na scenie miascovaha teatra «Amar sajn» pryniali ŭdzieł takija vykanaŭcy, jak Taisija Pavalij, Alaksiej Hłyzin, Piotr Dranha, hrupa «Respublika» i inšyja. Jak adznačajecca ŭ paviedamleńni z kancerta, «vykanaŭcy padaryli ahinčanam nieśmiarotnyja chity savieckaha času i svaje sučasnyja kampazicyi».
Padobny kancert prajšoŭ i ŭ Čycie na Dzień dziaržaŭnaha ściaha, dzie taksama vystupała śpiavačka.
Z 2020 hoda Anžalika Ahurbaš sprabuje ŭdzielničać u biełaruskim palityčnym žyćci, padčas vybarčaj kampanii 2020 hoda padtrymała antyłukašenkaŭskuju apazicyju, siarod inšaha pierazapisaŭšy svoj patryjatyčny chit pačatku 1990-ch «Naŭzdahon». Ciapier padtrymlivaje hrupu, abjadnanuju vakoł Valeryja i Vieraniki Capkałaŭ dy Dźmitryja Bałkunca.
Śpiavak Iosif Kabzon, jaki pamior roŭna 4 hady tamu, 30 žniŭnia 2018 hoda, byŭ aktyŭnym prychilnikam anieksii Rasijaj Kryma ŭ 2014 hodzie, rehularna publična vystupaŭ u padtrymku samaabvieščanych «DNR» i «ŁNR». U suviazi z tym jahonaje proźvišča dahetul u hetym kantekście mnohimi ŭsprymajecca simvalična.
Haradski pasiołak Ahinskaje — centr Ahinskaj Burackaj akruhi Zabajkalskaha kraja, jakaja da 2008 hoda była asobnym subjektam Rasijskaj Fiederacyi — Ahinskaj Burackaj nacyjanalnaj akruhaj. Mienavita ad jaje Kabzon pastanna vybiraŭsia ŭ Dziaržaŭnuju dumu, tym i tłumačycca miesca praviadzieńnia kancerta, jaki jość adnoj z častak bolš šyrokaha prajekta.
Ciapier čytajuć
Dzie pracujuć i jak vyhladajuć žonki top-čynoŭnikaŭ?10
Kamientary
UCHACHACHACHACHACHACHA
SROČNO JEJE V KABINIET K CIEPKALE