H&M usio ž sychodzić ź Biełarusi. Kramy adčyniać, kab raspradać tavar
Šviedskaja sietka kram adzieńnia H&M Group H&M usio ž sychodzić ź Biełarusi. Ab hetym partału Onliner paviedamili ŭ pres-słužbie rytejlera. Dniami źjaviłasia infarmacyja, što biełaruskija kramy H&M znoŭ adčyniacca 19 vieraśnia.
«My časova znoŭ adčynim našy try kramy dla prodažu astatkaŭ tavaraŭ i budziem trymać ich adčynienymi na praciahu abmiežavanaha pieryjadu času», — skazali pradstaŭniki H&M.
H&M Group pryniała rašeńnie spynić biznes u Rasii paśla pačatku vajny. Praca kampanii ŭ RF była spynienaja 2 sakavika paśla napadu Rasii na Ukrainu. Tady ž prypynili svaju pracu kramy sietki ŭ Biełarusi.
U Biełarusi try kramy H&M. Dva ŭ Minsku — u HZC Palazzo i Galleria Minsk i adzin u Hrodnie — u HZC Triniti.
Kamientary