Heta zajaviŭ prezident Rasii Dźmitryj Miadźviedzieŭ, padvodziačy vyniki apieratyŭna-stratehičnych vučeńniaŭ «Zachad-2009».
Heta zajaviŭ prezident Rasii Dźmitryj Miadźviedzieŭ, padvodziačy vyniki apieratyŭna-stratehičnych vučeńniaŭ «Zachad-2009».
«My z Alaksandram Ryhoravičam Łukašenkam damovilisia, što takoha kštałtu vučeńni buduć prachodzić adzin raz na dva hady papieramienna na terytoryi Biełarusi i Rasijskaj Fiederacyi. Tak što heta pačatak, i, spadziajusia, paśpiachovy pačatak, našych sumiesnych vajskovych mierapryjemstvaŭ», — zajaviŭ Miadźviedzieŭ, słovy jakoha pryvodzić pres-słužba Kramla.
Pavodle słoŭ rasijskaha kiraŭnika, usie hetyja mierapryjemstvy nakiravany tolki na toje, kab «zrabić žyćcio ŭ našych krainach bolš kamfortnym, bolš abaronienym, bolš sučasnym, adpaviednym tym patrabavańniam, jakija siońnia isnujuć u našych ludziej, a z druhoha boku, jany dazvalajuć abaranić našych ludziej na samym vysokim uzroŭni».
«Toje, što my siońnia, a da hetaha na praciahu adpaviednaha pieryjadu, byli ŭdzielnikami hetaha vučeńnia, pakazvaje, što našy sajuźnickija adnosiny macniejuć,my raźvivajem abaronnuju kampanientu, imkniemsia stvaryć nadziejnuju asnovu dla abarony našych nacyjanalnych intaresaŭ», — adznačyŭ Miadźviedzieŭ.
Jon padkreśliŭ, što hetyja vučeńni «nosiać tolki abarončy charaktar, pravodziacca ŭ adpaviednaści ź mižnarodnym pravam i nakiravany na toje, kab dapamahčy našym krainam u raźvićci ich uzbrojenych sił i ŭ abaronie našych dziaržaŭ, a taksama našaj Sajuznaj dziaržavy».
U svaju čarhu Alaksandr Łukašenka adznačyŭ, što vučeńni ŭ takim maštabie adbylisia dziakujučy Miadźviedzievu.
«Pavinien skazać praŭdu, što my niekalki razoŭ padychodzili da takich maštabnych vučeńniaŭ, ale tolki dziakujučy jamu nam udałosia ŭ hetym hodzie ŭpieršyniu za pieryjad isnavańnia sumiesnaj biełaruska-rasijskaj hrupoŭki jak składnika Arhanizacyi Dahavora ab kalektyŭnaj biaśpiecy pravieści hetyja vučeńni. Nie było b rašeńnia prezidenta Rasii, u nas nie było b takich maštabnych sumiesnych vučeńniaŭ», — skazaŭ Łukašenka.
Ahulnaja kolkaść vojsk, jakija ŭdzielničali ŭ ASV, skłała amal 12,5 tys. čałaviek,
u tym liku ad Uzbrojenych sił, inšych vojsk i voinskich farmiravańniaŭ Biełarusi — kala 6,5 tys. čałaviek, ad US RF — kala 6 tys., ad US Kazachstana — kala 30 čałaviek. Dla ŭdziełu ŭ vučeńniach z zapasu było pryzvana kala 1,8 tys. vajennaabaviazanych.
U vučeńniach była zadziejničana bajavaja i śpiecyjalnaja technika, u tym liku 103 latalnyja aparaty (63 samaloty i 40 viertalotaŭ), kala 470 bajavych braniravanych mašyn, 228 tankaŭ, 234 samachodnych i buksavanych artyleryjskich harmat, minamiotaŭ i reaktyŭnych sistem załpavaha ahniu.
Hałoŭnaje miesca praviadzieńnia ASV — Abuz-Lasnoŭski palihon (Baranavicki rajon, Bresckaja vobłaść), dzie 29 vieraśnia adpracoŭvalisia asnoŭnyja mierapryjemstvy praktyčnych dziejańniaŭ rehijanalnaj hrupoŭki. Asobna na Barysaŭskim palihonie (Minskaja vobłaść) pravodzilisia vučeńni pa płanie Hienieralnaha štaba Uzbrojenych sił RF. Ich zaduma nie źviazana z zadumaj ASV «Zachad-2009». 19—29 vieraśnia ŭ Biełarusi taksama pravodziŭsia druhi etap sumiesnych kompleksnych vučeńniaŭ ADKB. Jaho tema — «Arhanizacyja prymianieńnia voinskich kantynhientaŭ uzbrojenych sił dziaržaŭ — členaŭ ADKB va Uschodniejeŭrapiejskim rehijonie kalektyŭnaj biaśpieki». Padčas vučeńniaŭ adpracoŭvalisia pytańni ŭdakładnieńnia paradku razhortvańnia voinskich kantynhientaŭ uzbrojenych sił dziaržaŭ — členaŭ ADKB va Uschodniejeŭrapiejskim rehijonie kalektyŭnaj biaśpieki, akazańnia vajenna-palityčnaj, vajennaj i vajenna-techničnaj dapamohi ŭ miežach arhanizacyi.
Ciapier čytajuć
Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»35
Kamientary