Biełarusy bolš nie bulbašy, a buračniki

Heta vynikaje sa statystyčnych danych Biełstata pra vałavy zbor asnoŭnych sielskahaspadarčych kultur.

Apošnija dziesiacihodździ ŭ Biełarusi sadziać usio bolš cukrovych burakoŭ, sadaviny i rapsu, bo hetyja kultury stali bolš prybytkovymi i zapatrabavanymi. Sielskahaspadarčyja płoščy pad bulbaj źmianšajucca, adpaviedna, mienšajuć i abjomy vyraščanaha.

Praryŭnym dla cukrovych burakoŭ staŭ 2003 hod. Tady ich sabrali amal dva miljony ton. U 2004-ym uradžaj siahnuŭ trochmiljonnaj adznaki. U 2018 hodzie ŭžo sabrali amal 5 miljonaŭ. Pakul heta rekord. U 2021-m — haspadarki nie daciahnuli da čatyroch — 3 miljony 871 tysiača.

Kali ŭ saviecki čas Biełaruś zaležała ad pastavak cukru z Ukrainy i Rasii, to ciapier my ŭ hetym sensie samadastatkovyja.

Pavialičyć

Letaś u paraŭnańni z burakami bulby sabrali mienš — 3 miljony 409 tysiač. Rekordny ŭradžaj «druhoha chleba» byŭ vyraščany ŭ dalokim 1970 hodzie — 13 miljonaŭ 234 tysiačy tony. Za apošnija 48 hadoŭ vałavy jaho abjom skaraciŭsia da ciapierašnich troch z pałovaj miljonaŭ.

Doŭhi čas Biełaruś była bulbianym krajem, bo ŭ našym klimacie hetaja kultura davała harantavana vialikija ŭradžai. 1990 hodzie bulba zajmała ŭ biełaruskich kałhasach kala 289 tysiač hiektaraŭ, a ŭ 2019 hodzie — usiaho 23 tysiačy hiektaraŭ.

Ale lepšyja sarty i ahratechnika zabiaśpiečvajuć vyšejšyja ŭradžai.

Biełarus praciahvaje spažyvać bulby bolš, čym chto ŭ śviecie — 183 kiłahramy za hod.

Ciapier sielhaspradpryjemstvy ŭhledzieli prybytki nie tolki ŭ burakach, ale ŭ rapsie i inšaj harodninie.

Asablivy vyjaŭny rost abjomaŭ harodniny idzie ad 2000 hoda, kali jaje ŭpieršyniu było sabrana 2 miljony ton. Za dva dziasiatki hadoŭ abjom jaje vyrabu vyras da amal troch miljonaŭ.

Raps dla biełaruskaj sielskaj haspadarki kultura adnosna novaja. U 1985 hodzie jaho sabrali tolki 12 tysiač ton. U 2021 hodzie — užo 715.

Ciapier pali, jakija kvitniejuć žoŭtym u mai-červieni, stali zvyčajnymi dla našaj krainy. Byli i bolš uradžajnyja hady za 2021-y. Naprykład, 730 tysiač ton vyraścili rapsu ŭ 2014-m.

Razam z bulbaj prasiadaje i vyroščvańnie lonu. Rekordny jaho ŭradžaj byŭ sabrany ŭ 2008 hodzie — 61 tysiača ton. Letaś vyraścili ledź nie ŭdvaja mienš — 26 tysiač ton.

Za savieckim časam lonu, jak i bulby, u Biełarusi źbirali značna bolš. U 1980 hodzie uradžaj pieravyšaŭ 100 tysiač ton. 

Ciapier lnavodstva pieražyvaje nie najlepšyja svaje hady. Lnozavody bankrutujuć, a haspadarki paźbiahajuć siejać lon, bo jon nie akuplajecca naležna.

Recept na vychadnyja. Bokści (boxty) — draniki, ale pa-irłandsku

Jakija pracesy adbyvajucca ŭ vašym ciele, kali vy jaście bulbu?

Jak pravilna zachoŭvać bulbu zimoj i jakija sarty vybrać?

• 7
• 0
• 4
• 0
• 2
• 1
• 4
• 0