Hramadstva44

«Vyvieli ŭ kajdankach». Zatrymali daśviedčanaha transpłantołaha, jaki rabiŭ apieracyi pa pierasadcy kaściavoha mozhu

5 kastryčnika ŭ Baraŭlanach na pracoŭnym miescy zatrymali viadomha transpłantołaha Alaksieja Viktaraviča Alaksiejčyka. Pra heta paviedamlajuć kalehi doktara.

Alaksieja Alaksiejčyka vyvieli ŭ kajdankach z RNPC dziciačaj ankałohii i hiematałohii na vačach kaleh, maleńkich pacyjentaŭ i ich baćkoŭ. Aficyjnaja pryčyna zatrymańnia nie paviedamlałasia.

Jak kažuć kalehi Alaksiejčyka, uviesnu 2022 hoda śpiecsłužby atrymali dostup da ŭnutranaha čata miedpracaŭnikoŭ RNPC. U im adkryta viałosia abmierkavańnie palityčnaj situacyi ŭ Biełarusi, pracy niezaležnaha prafsajuza «Panaceja» i inšaha. Mahčyma, zatrymańnie Alaksiejčyka źviazanaje z hetym čatam.

RNPC dziciačaj ankałohii i hiematałohii ŭ Biełarusi — pieradavaja ŭstanova. U inšych rehijonach krainy niama ni śpiecyjalistaŭ nieabchodnaha ŭzroŭniu padrychtoŭki, ni abstalavańnia. Časam siudy traplajuć dzieci ŭ krytyčnym stanie z-za taho, što miascovyja miedyki byvajuć niazdolnyja pastavić dyjahnaz.

Zatrymany doktar Alaksiejčyk ličycca adnym z samych daśviedčanych i prafiesijnych transpłantołahaŭ centra. Jon maje staž bolš za 20 hadoŭ, pravodziŭ apieracyi pa pierasadcy kaściavoha mozhu.

Pavodle słovaŭ pracaŭnikoŭ centra, uviesnu 2022 hoda niechta zdaŭ dostup da karparatyŭnaha čatu orhanam represiŭnaha aparatu. Paśla hetaha pačaŭsia novy vitok čystak u centry pa prykmiecie mierkavańniaŭ, vykazanych u pierapiscy.

Letam KDB zatrymaŭ doktarku Juliju Žarankovu i zahadčyka łabaratoryi hienietyčnych bijatechnałohij Alaksandra Mialešku (apošniamu dali 3 hady chatniaj chimii pa artykule 342 KK).

«Ciapier jany ŭzialisia za dziciačuju ankałohiju. Zvalniać nikoha nie zvalniajuć, a ŭ kajdankach vyvodziać. I chto ciapier budzie ratavać dziaciej ad śmierci? Ale kaho ź ich heta niepakoić», — kamientujuć kalehi zatrymanaha.

Represii ŭ dačynieńni da supracoŭnikaŭ RNPC dziciačaj ankałohii i hiematałohii pačalisia paśla hučnaj prajavy salidarnaści miedpracaŭnikoŭ z paciarpiełymi ad hvałtu padčas žnivieńskich pratestaŭ 2020 hoda. 

U listapadzie 2020 była zvolnienaja dyrektarka centra Natalla Kanapla. Na jaje miesca pastavili Anžaliku Soncavu.

Jak zhadvajuć supracoŭniki RNPC, zvalnieńnie Natalli Kanapli było ŭmovaj taho, što ŭłady nie zakryjuć centr naohuł.

31 śniežnia 2021 hoda z kalektyvam RNPC sustrakaŭsia Łukašenka, 1 červienia 2022 hoda tudy pryjazdžała jaho pravaja ruka Natalla Kačanava.

Kamientary4

  • daviedka
    06.10.2022
    Miesiac nazad v etom cientrie umierła doċ-vypusknica odnoho iz sotrudnikov milicii s vysokimi śviaziami.
  • Sos
    06.10.2022
    Budiet jeŝie mnoho " dieł vračiej" i vrači budut rabotať kak vrači, a nie kak otmyvatieli dienieh i "ispołnitieli žiełanij". Nu.. čtoby nie povtoriłaś istorija Stalina.
  • SHOS
    06.10.2022
    Kakova ciennosť luboho iz mientov, kotoryje učastvovali v "śledstvii",v sravnienii s etim chiruhom? Ja dumaju, jeśli vieś ich otdieł vziať, to budiet 3 procienta

Ciapier čytajuć

Były biełaruski vajar sutki katavaŭ svajho siabra, a paśla zabiŭ siabie3

Były biełaruski vajar sutki katavaŭ svajho siabra, a paśla zabiŭ siabie

Usie naviny →
Usie naviny

Ad 300 000 da 500 000 dalaraŭ. Stała viadoma, chto pryvioz Džejsana Deruła ŭ Biełaruś8

Stryžak raskazaŭ, što ciapier budzie z «Bajsołam»20

Mužčyna raźbiŭ videakamieru ŭ padjeździe, nadzieŭšy dla maskiroŭki trusy na hałavu8

Skandynavija pryciahvaje biełarusa: dalnabojščyk raskazaŭ ab pracy ŭ krai vikinhaŭ3

«Matroškami ŭžo nie ździviš». U Rasii zaklikali stvaryć svoj anałah Łabubu3

Viadučaja «Marafonu adzinstva» ŭ padtrymku Łukašenki adpačyvała ŭ Łatvii27

Na poŭnačy Bresta praciahvaje śmiardzieć, ułady zaklikajuć «nie panikavać»2

Sa Šviecyi departujuć jašče adnu biełaruskuju siamju11

Pad Bychavam adkryli pomnik archieałahičnaj znachodcy 1960 hoda. Jon padobny da nadmahilla

bolš čytanych navin
bolš łajkanych navin

Były biełaruski vajar sutki katavaŭ svajho siabra, a paśla zabiŭ siabie3

Były biełaruski vajar sutki katavaŭ svajho siabra, a paśla zabiŭ siabie

Hałoŭnaje
Usie naviny →

Zaŭvaha:

 

 

 

 

Zakryć Paviedamić