Recept na vychadnyja. Limonnyja kieksy — prostyja, pryhožyja, smačnyja
Hetyja kieksy prosta i chutka hatavać, tamu z receptam spravicca navat padletak ci pačatkoviec u kulinaryi. Možacie dadać u hłazuru trochi kropiel charčovaha farbavalniku — tak kieksy atrymajucca jašče jarčejšyja.
Fota: BBC Food
Kab zhatavać limonnyja kieksy, vam spatrebicca:
- 325 hramaŭ raźmiakčanaha masła
- 200 hramaŭ cukru
- 3 jajki
- 200 hramaŭ muki
- drobna naciortaja cedra i sok adnaho limona
- 2 stałovyja łyžki małaka
- 250 hramaŭ cukrovaj pudry
- Razahrejcie duchoŭku da 180 hradusaŭ. Padrychtujcie formu dla 12 kieksaŭ i zmažcie jaje masłam.
- Pakładzicie ŭ vialikuju misku 200 hramaŭ raźmiakčanaha masła i 200 hramaŭ cukru. Uźbivajcie pradukty elektryčnym miksieram, pakul nie atrymajecca adnarodnaja, śvietłaja i lohkaja sumieś.
- Dadavajcie ŭ sumieś jajki pa adnym, paśla kožnaha dadavańnia pieramiešvajcie sumieś da adnarodnaści. Kali sumieś budzie zhortvacca, dadajcie stałovuju łyžku muki. Umiašajcie ŭ sumieś pałovu ŭsioj cedry.
- Mietaličnaj łyžkaj pastupova ŭmiešvajcie ŭ sumieś muku, pakul ŭ sumiesi nie zastaniecca jaje śladoŭ. Akuratna ŭmiašajcie ŭ sumieś pałovu ŭsiaho soku i dadajcie stałovuju łyžku małaka.
- Vykładzicie sumieś u formy. Vypiakajcie kieksy na praciahu 25 chvilin ci pakul kieksy nie stanuć pruhkija. Pakińcie kieksy astyvać u formach na 5 chvilin, potym aściarožna dastańcie ich.
- Kab zhatavać hłazuru, prasiejcie pałovu cukrovaj pudry ŭ misku. Dadajcie 125 hramaŭ raźmiakčanaha masła i ŭźbicie sumieś da stanu lohkaj i pyšnaj masy. Umiašajcie ŭ sumieś reštu cukrovuju pudru, potym reštki cedry, soku i małaka, uźbicie ŭsio. Vykładzicie prykładna stałovuju łyžku hłazury na kožny kieks.
Recept na vychadnyja. Pudynh Jevy — 200-hadovaja brytanskaja strava
Recept na vychadnyja. Sibas u koračcy z estrahonu — lohkaja i karysnaja viačera
Recept na vychadnyja: apielsinavy piroh ź limonnym kremam
Ciapier čytajuć
Jak žyvie Aleś Muchin, viadomy znaŭca «Što? Dzie? Kali?»12
Kamientary