Pieršy viadomy recept pudynha Jevy (Eve’s pudding) byŭ stvorany ŭ 1824 hodzie. Nazva hetaha piraha adsyłaje da biblejskaj Jevy, što pačastavała Adama jabłykam, i ŭ hetym pudynhu jabłykaŭ bahata. A ŭ dadatak — smačnaje biskvitnaje ciesta!
Fota: BBC Food
Kab pryhatavać pudynh Jevy, vam spatrebicca:
- 2 vialikija jabłyki (ahulnaj vahoj kala 500 hramaŭ)
- sok pałovy limona
- 95 hramaŭ masła
- 2 stałovyja łyžki cukru + 100 hramaŭ cukru dla vierchniaha słoja
- 100 hramaŭ muki
- 2 jajki
- stałovaja łyžka haračaj vady
- marožanaje ci zavarny krem dla sierviroŭki
- Razahrejcie duchoŭku da 180 hradusaŭ.
- Zdymicie ź jabłykaŭ skurku, dastańcie ź ich siaredzinu i parubicie jabłyki na tonkija dolki. Pakładzicie jabłyki ŭ rondal, dadajcie limonny sok i 2 stałovyja łyžki vady. Pieramiašajcie, nakryjcie viečkam i tušycie jabłyki 5 chvilin, pakul jany nie pamiakčejuć.
- Dadajcie 20 hramaŭ masła i 2 stałovyja łyžki cukru, pieramiašajcie. Potym pieraniasicie sumieś u formu dla vypiakańnia (možna vykarystoŭvać niekalki asobnych małych formaŭ). Adstaŭcie ŭ bok.
- Uźbivajcie razam 75 hramaŭ raźmiakčonaha masła i 100 hramaŭ cukru, pakul sumieś nie pavialičycca ŭ pamiery i nie stanie lohkaj.
- Dadavajcie ŭ sumieś muku (stałovymi łyžkami) i jajki pa čarzie, aściarožna pieramiešvajcie ŭ pracesie. U kancy taksama dadajcie ŭ sumieś stałovuju łyžku haračaj vady.
- Raskładzicie sumieś na jabłyki. Zapiakajcie pudynh u duchoŭcy 30-35 chvilin ci pakul jaho vierch nie stanie pyšnym i załatym. Padavajcie z marožanym ci z zavarnym kremam.
Recept na vychadnyja: dorsecki jabłyčny piroh
Recept na vychadnyja: pasta karbanara
Recept na vychadnyja: šakaładna-bananavyja francuzskija tosty
Ciapier čytajuć
Źniknieńnie śpikierki KR Anžaliki Mielnikavaj. Usio važnaje, što viadoma na hety momant10
Kamientary