Try momanty z nahody padziak za artykuł pra Taćcianu Zareckuju
Nam prychodziać šmatlikija padziaki za tekst pra Taćcianu Zareckuju. Dazvolcie mnie, niabačnamu redaktaru «Našaj Nivy», z hetaj nahody prahavaryć try momanty.
Pa-pieršaje, źviarnuć vašu ŭvahu nie na hety, a na naš učarašni tekst, jaki kaštavaŭ mnie bolš bolu ŭ sercy — pra zatrymańni ŭ Akademii navuk. Voś što ja maju na ŭvazie. Zatrymlivali 44 čałavieki — sorak čatyry, i nie niedzie ŭ Chocimskim rajonie, a ŭ intelektualnym centry krainy, u asiarodku, jaki maje maksimalnyja suviazi sa śvietam, a ŚMI tydzień — tydzień — pra heta ničoha nie pisali, bo nie viedali. Bačycie, nakolki biełaruskija ŚMI ŭžo abmiežavanyja ŭ tym, što jany «čujuć».
Adsiul druhoje. Tak, nam vielmi — VIELMI — patrebnyja vašy danaty praz Patreon — dziakujučy im my možam bolš. Ale bolš za ŭsio nam treba, kab vy padkidali nam temy, kab vy kazali nam, pra što varta napisać. Vy možacie dzialicca imi praz mejł [email protected], telehram-bot abo ŭ pryvat redaktaram i žurnalistam, jakich vy viedajecie asabista i jakim daviarajecie.
I treciaje. Niezaležnyja ŚMI robiać našu nacyju mocnaj, navat kali časam nam davodzicca pisać horkija rečy.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary