Brytanskaja raźviedka: Rasija buduje ŭmacavańni, padobnyja da «linii Vahniera», i na inšych akupavanych terytoryjach
Čarhovaja zvodka brytanskaj raźviedki pryśviečanaja budaŭnictvu abarončych zbudavańniaŭ na akupavanych Rasijaj terytoryjach. U pryvatnaści, piša raźviedka, takija zbudavańni Rasija pačała ŭzvodzić vakoł Maryupala. Dla hetaj mety na dvuch zavodach vyrablajucca žalezabietonnyja piramidalnyja supraćtankavyja kanstrukcyi, viadomyja jak «zuby drakona».
Hetyja kanstrukcyi, vierahodna, byli ŭstalavanyja pamiž Maryupalem i pasiołkam Nikolskaje; i ad Paŭnočnaha Maryupala da vioski Stary Krym u Danieckaj vobłaści.
Jak piša raźviedka, Rasija ŭmacoŭvaje svaje pazicyi va ŭsich akupavanych terytoryjach, u tym liku ŭ Zaparožskaj i Chiersonskaj abłaściach. 19 kastryčnika 2022 hoda ŭładalnik «PVK Vahniera» Jaŭhien Pryhožyn zajaviŭ ab budaŭnictvie «linii Vahniera» ŭ akupavanaj Rasijaj Łuhanskaj vobłaści.
Hetaja dziejnaść śviedčyć pra toje, što Rasija prykładaje značnyja namahańni dla padrychtoŭki hłyboka ešałanavanaj abarony za svajoj ciapierašniaj linijaj frontu, što, vierahodna, praduchilić chutkaje prasoŭvańnie Ukrainy ŭ vypadku praryvu.
Kamientary