15 filmaŭ sa Skandynavii i Bałtyi možna budzie pahladzieć biaspłatna — voś prahrama
Stali viadomyja filmy bałtyjska-nardyčnaj prahramy 8-ha kinafiestyvalu «Paŭnočnaje źziańnie», jaki projdzie z 20 pa 30 listapada biaspłatna online. Zarehistravacca na prahlad možna ŭžo zaraz.
U mižnarodnaj prahramie budzie 15 filmaŭ z krain Skandynavii i Bałtyi. Tam jość miesca kranalnamu bajopiku, dramiedzi, ekśpierymientalnamu razvažańniu pra dom, žyćcieśćviardžalnaj dramie i navat palityčnamu tryleru — usio jak u žyćci. Adkryje kinafest dušeŭnaja dakumientalnaja drama ź Isłandyi «Uzdymi płanku», a zakryje historyja staleńnia troch školnic «Dziaŭčaty, dziaŭčaty». Čym jašče budzie ździŭlać prahrama «Paŭnočnaha źziańnia — 2022»?
«Damy»
2021, Łatvija, dakumientalny film
Pakaz — 20 listapada
Film-instalacyja Łajły Pakałninia — paetyčnaja i estetyčnaja oda damašniamu asiarodździu.
«Prezident»
2021, Danija, ZŠA, Narviehija, dakumientalny film
Pakaz — 21 listapada
Zachaplalny palityčny tryler ab baraćbie Zimbabve za demakratyju, spradziusavany halivudskimi zorkami Deni Hłovieram («Śmiarotnaja zbroja») i Tandzive Ńjutan («Śviet Dzikaha Zachadu»).
«Niespakojnyja rozumy»
2021, Łatvija, ihravy film
Pakaz — 22 listapada
Braty Abiele daśledujuć tonkuju hrań pamiž tvorčym hienijem i mientalnym razładam. Turbulentny paŭimpravizacyjny film-pierformans u duchu Haspara Noe.
«Mastacki film pra žyćcio»
2021, Litva, ihravy film
Pakaz — 23 listapada
Žyćcieśćviardžalnaja drama ŭ abliččy pachavalnaj kamiedyi.
«Dzicionak-nindzia»
2021, Narviehija, ihravy film
Pakaz — 24 listapada
«Heta nie kachańnie. Heta śpierma». Kinakomiks-dramiedzi pra niepažadanuju ciažarnaść i prymusovaje staleńnie.
«Uku»
2021, Estonija, dakumientalny film
Pakaz — 25 listapada
Kali «mamčyn synok» hučyć stylova: chronika žyćcia i pryhod andehraŭndnaha muzyki Uku Kuuta i jaho maci i tvorčaj partniorki Marju Kuut.
«Ślapy, jaki nie chacieŭ hladzieć «Tytanik»
2021, Finlandyja, ihravy film
Pakaz — 26 listapada
Paciešny i napružany film-adysieja, jaki pieradaje sensarny dośvied nieviduščaha čałavieka. U hałoŭnaj roli — ślapy i častkova paralizavany akcior-muzyka Pietry Pajkalajnien.
«Dziesiać»
2022, Isłandyja, dakumientalny film
Pakaz — 27 listapada
Dušeŭnaja «tusoŭka» z hurtom Of Monsters and Men ad trochrazovaha naminanta na «Oskar» Dzina DeBłua («Jak pryručyć cmoka»), jakaja adlustroŭvaje Isłandyju z usimi jaje «atrybutami»: tam jość i švedary, i charakternyja chatki, i fołk-pop-pieśni, i, viadoma ž, fjordy.
«Cumu: kudy viaduć mary?»
2022, Danija, Šviecyja, dakumientalny film
Pakaz — 27 listapada
Dakumientalny kałaž pra mary i nadziei zumieraŭ z depresiŭnaj pravincyi Hrenłandyi.
«Zaćmieńnie»
2022, Narviehija, dakumientalny film
Pakaz — 28 listapada
Šmatsłojnaje daśledavańnie kalektyŭnaj pamiaci i adkaznaści na prykładzie Juhasłaŭskich vojnaŭ. Uładalnik hałoŭnaha pryza fiestyvalu dakumientalnaha kino CPX:DOX 2022.
«Kachańnie & rasstavańnie»
2022, Šviecyja, dakumientalny film
Pakaz — 29 listapada
Ciopłaja čałaviečaja historyja ab ekałahičnym razvodzie jak adzinym sposabie zachavać kachańnie.
«Biahucha»
2021, Litva, Čechija, ihravy film
Pakaz — 29 listapada
Biehanina pa Vilni: chutkasnaja drama pra samaachviaravańnie i taksičnaje kachańnie.
«Skažy mnie»
2021, Estonija, Iardanija, dakumientalny film
Pakaz — 30 listapada
Dvaccać dva kiniematahrafisty z usiaho śvietu pad kiraŭnictvam estonki Marty Pułk vizualizujuć pieražyvańni ludziej, začynienych doma ŭ pieršuju chvalu COVID-19.
Usia prahrama ŭ online budzie dastupnaja biaspłatna pa papiaredniaj rehistracyi, jakaja ŭžo pačała pracavać. Filmy «Źziańnia» buduć dastupnyja pa 24 hadziny zhodna z raskładam na praciahu kinafiestyvalu z 20 pa 30 listapada. Taksama vy možacie padtrymać fiestyval danatam.
Ciapier čytajuć
«Stajać na svaim, kožny nakolki moža!» Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii11
Kamientary