Z hadami ŭ mužčyn vałasy pačynajuć raści ŭ niezvyčajnych miescach. Čamu?

Karotki adkaz: rost vałasoŭ u stałych mužčyn šmat u čym źviazany z uzroŭniem testasteronu i hienietykaj. Ale ŭsio heta nie aznačaje, što ź niepryjemnaj źjavaj nielha ničoha zrabić, tłumačyć New York Times.

Na toje, dzie i jak na ciele rastuć vałasy, upłyvajuć harmony. Naprykład, u čas pałavoha vyśpiavańnia takija andrahieny (pałavyja harmony), jak testasteron, zapuskajuć vałasianyja falikuły na tvary, hrudziach, padpachach i łabkovaj zonie. Tady karotkija śvietłyja vałasinki na hetych miescach zamianiajucca na bolš hustyja i ciomnyja, što rastuć bolš praciahły čas.

Kali mužčyny dasiahajuć 40—60 hadoŭ, testasteron časam pačynaje ŭpłyvać na rost vałasoŭ u ich pa-novamu, časam niezrazumiełym čynam. Častki vašaha cieła, pra jakija vy navat nie zdahadvalisia, što tam jość vałasianyja falikuły, naprykład, vierchniaja častka nosa ci močki vušej, mohuć stać adčuvalnymi da testasteronu, što nazapašvaŭsia hadami. Praz heta vałasinki ŭ hetych zonach robiacca bolš hustymi i doŭhimi, a ŭ vyniku i bolš prykmietnymi.

Toje, nakolki aktyŭna rastuć vałaski na nosie i ŭ vušach, zaležyć i ad hienietyki. Voś čamu ŭ niekatorych ludziej moža, naprykład, vyraści pryhožaja hustaja barada, a ŭ niekatorych — nie. Kali vy z tych, u kaho dobra rastuć vałasy na tvary, vierahodna, takaja ž rysa budzie i ŭ vašaha syna.

Kali vy žadajecie pazbavicca ad zališnich vałos u nosie ci vušach, u vas jość nastupnyja varyjanty. Pierš za ŭsio možna pasprabavać łaziernuju epilacyju. Kab atrymać dobry vynik, vam, chutčej za ŭsio, spatrebicca niekalki sieansaŭ, ale efiekt ad ich davoli praciahły. Dziejničaje jana takim čynam: pihmient vołasa pahłynaje śviatło ad łaziera ŭ vyhladzie ciapła, i potym hetaje ciapło paškodžvaje falikuł, čym pieraškadžaje rostu vołasa.

Łazier dobra pracuje na ciomnych vałasach, kali ž jany ŭ vas bolš śvietłyja, možna razhledzieć pytańnie ab elektraepilacyi (ciomnyja vałasy jana taksama prybiraje). Padčas jaje ŭ kožny vałasiany falikuł uvodzicca maleńkaja ihołka, jakaja vypuskaje elektryčny tok. Jon razburaje falikuł i hetym spyniaje rost vałasoŭ. I łaziernaja, i elektraepilacyja mohuć być davoli balučymi, a dla praciahłaha efiektu spatrebicca niekalki sieansaŭ.

Možna vybirać i karotkaterminovyja rašeńni: epilacyju voskam, haleńnie, stryžku, vyskubańnie vałasoŭ i vykarystańnie kremaŭ dla ich vydaleńnia. Hałoŭnaje — vykonvać napisanyja na kremach instrukcyi, bo inakš takija srodki mohuć paškodzić skuru. Uličvajcie taksama, što epilacyja voskam i vyskubańnie vałasoŭ mohuć vyklikać razdražnieńnie skury.

Čytajcie taksama:

Halić nohi — niebiaśpiečnaja zvyčka. Voś čym jana pahražaje

Pieršaja rekłama srodkaŭ dla haleńnia, dzie demanstrujucca sapraŭdnyja vałasy na žanočym ciele, vyklikała ŭ internaŭtaŭ hamu emocyj

Dermatołah raskazaŭ, jak praduchilić suchaść skury

• 16
• 0
• 11
• 8
• 11
• 6
• 6
• 0