Pačaŭsia sud pa spravie Tut.by. Pieršyja FOTA

U Minskim haradskim sudzie siońnia pačynajuć razhladać spravu Tut.by. Praces budzie vieści Valancina Ziankievič.

Sudzić buduć hienieralnaha dyrektara «TUT BAJ miedyja» Ludmiłu Čekinu, hałoŭnaha redaktara TUT.BY Marynu Zołatavu, žurnalistak Volhu Łojka i Alenu Taŭkačovu, juryskansultantku Kaciarynu Tkačenka. Łojka, Taŭkačovaj i Tkačenka na sudzie nie budzie, jany za miažoj.

Ludmiłu Čekinu abvinavačvajuć pa troch artykułach KK Biełarusi:

Pavialičyć

— č. 2 art. 243 (uchileńnie ad vypłaty padatkaŭ, zboraŭ u asabliva bujnym pamiery) — da siami hadoŭ pazbaŭleńnia voli;

— č. 4 art. 16, č. 3 art. 130 (arhanizacyja naŭmysnych dziejańniaŭ, nakiravanych na raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varožaści pa prykmiecie rasavaj, nacyjanalnaj, relihijnaj, moŭnaj ci inšaj sacyjalnaj prynaležnaści, učynienych hrupaj asob abo vyklikaŭšych ciažkija nastupstvy) — da 12 hadoŭ pazbaŭleńnia voli;

— č. 4 art. 16, č. 3 art. 361 (kiraŭnictva zaklikami da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś, učynienyja z vykarystańniem srodkaŭ masavaj infarmacyi abo hłabalnaj kampjutarnaj sietki internet) — da piaci hadoŭ pazbaŭleńnia voli.

Marynu Zołatavu taksama abvinavačvajuć pa troch artykułach:

Pavialičyć

— č. 2 art. 243 (uchileńnie ad vypłaty padatkaŭ, zboraŭ u asabliva bujnym pamiery) — da siami hadoŭ pazbaŭleńnia voli;

— č. 3 art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varožaści pa prykmiecie rasavaj, nacyjanalnaj, relihijnaj, moŭnaj ci inšaj sacyjalnaj prynaležnaści, učynienych hrupaj asob abo vyklikaŭšych ciažkija nastupstvy) — da 12 hadoŭ pazbaŭleńnia voli;

Pavialičyć

— č. 3 art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś, učynienyja z vykarystańniem srodkaŭ masavaj infarmacyi abo hłabalnaj kampjutarnaj sietki internet) — da piaci hadoŭ pazbaŭleńnia voli.

Łojka i Taŭkačova, jak raniej paviedamlała Hienprakuratura, abvinavačvajucca ŭ dapamozie va ŭchileńni ad vypłaty padatkaŭ, raspalvańni sacyjalnaj varožaści, raspaŭsiudzie materyjałaŭ z zaklikami da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś.

Tkačenka abvinavacili ŭ dapamozie va ŭchileńni ad vypłaty padatkaŭ, aktyŭnym udziele ŭ hrupavych dziejańniach, jakija hruba parušajuć hramadski paradak.

Pahrom partała adbyŭsia ranicaj 18 maja 2021 hoda. U toj dzień zatrymali 15 čałaviek: z vobšukam pryjšli u redakcyju i dadomu da niekatorych supracoŭnikaŭ. Ciaham hoda bolšaść vypuścili, u SIZA zastalisia tolki Maryna Zołatava i Ludmiła Čekina.

• 3
• 0
• 0
• 2
• 0
• 7
• 25
• 0