HUBAZiK raskazaŭ pra žančynu, jakaja «pryjšła pakajacca». Paśla jaje adpravili ŭ kałoniju i ŭnieśli ŭ «śpis terarystaŭ»
Łukašysty zaklikajuć biełarusaŭ, jakija vystupali suprać dyktatury, pryjści «pakajacca». Ale «pakajańnie» nie ratuje ad doŭhich turemnych terminaŭ.
Taćciana Kołas — 40-hadovaja minčanka. Raniej jana pracavała ŭ Minskim haradskim vykanaŭčym kamitecie na pasadzie viadučaj śpiecyjalistki. Maje dzicia. Pra Taćcianu było nieviadoma da ŭniasieńnia jaje imia 5 śniežnia ŭ «śpis terarystaŭ», jaki składaje KDB.
Naprykancy červienia 2022 hoda z žančynaj vyjšła videa na kanale HUBAZiKa. Miarkujučy pa datach na videa, padziei adbyvajucca 21 krasavika 2022 hoda. Taćciana kaža, što ŭbačyła ŭ internecie infarmacyju pra zatrymańnie niekaha z tych, chto pisaŭ u bot «Čornaj knihi Biełarusi», i vyrašyła pryjści «pakajacca». Taksama jana kaža, što pieradała ŭ bot ČKB danyja pra siłavikoŭ. A paśla vizitu ŭ HUBAZiK jaje nibyta spakojna adpuścili.
Nieviadoma, ci sapraŭdy jana sama pryjšła z pryznańniem abo ahučyła toje, što joj skazali siłaviki. Ale pakazalna toje, što adbyłosia dalej.
Da suda žančyna znachodziłasia pad chatnim aryštam. Ale ŭ siaredzinie vosieni Taćcianie prysudzili 6,5 hoda źniavoleńnia, a paśla etapavali ŭ homielski SIZA № 3. Zhodna ź infarmacyjaj u śpisie KDB, prysud užo ŭstupiŭ u zakonnuju siłu — imavierna, žančyna ŭžo pieraviedzienaja ŭ žanočuju kałoniju №4.
Uniasieńnie ŭ śpis «terarystaŭ» aznačaje, što dla žančyny zabłakavanyja ŭsie mahčymaści finansavych raźlikaŭ unutry Biełarusi — u kałoniju joj nielha budzie pieraličyć hrošy, i joj daviadziecca tam vyžyvać na niščymnym turemnym racyjonie.
«Naša Niva» — bastyjon biełaruščyny
PADTRYMAĆČytajcie jašče:
Viarnułasia ŭ Biełaruś, pavieryŭšy abiacańniam siłavikoŭ — ciapier jaje buduć sudzić pa 12 kryminalnych artykułach
My atrymali dziesiać vypadkovych akaŭntaŭ sa «źlivu» ČKB. Ci možna vyličyć ich uładalnikaŭ?
Raspaviadajem, jakija danyja z ČKB mahli trapić da siłavikoŭ, što rabić, kali vy tudy pisali, i jak harantavać biaśpieku, kali pišacie ŭ boty
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej3
Kamientary