Nastaŭnikam u Baranavičach zabaranili charčavacca ŭ školnych stałovych
U baranavickich škołach nastaŭnikam nie dazvolili kuplać abiedy, jakija hatujuć dla školnikaŭ. Pryčyna — «ceny dla dziaciej», paviedamlaje «Sputnik».
Infarmacyju ab hetym aktyŭna abmiarkoŭvajuć nastaŭniki škoł horada. Adzin ź piedahohaŭ u hutarcy z karespandentam paćvierdziŭ: u školnaj stałovaj pastavili mikrachvaloŭki. Nastaŭnikam skazali prynosić svaju ježu i hreć jaje, kuplać ža abiedy, jakija hatujuć školnikam, ciapier nielha. Patłumačyli heta tak: ceny ŭstanoŭlenyja dla dziaciej, vydatki na charčavańnie častkova subsidzirujucca dziaržavaj, značyć, darosłym heta nie naležyć.
«Kalektyŭ aburany, heta nie pa-čałaviečy. U škole možna pravieści ŭvieś dzień, pajeści, atrymlivajecca, niama dzie. Prafsajuz škoły niejak sprabuje vyrašyć prablemu. U minułym hodzie ŭ nas u rajonnych dziciačych sadach užo ŭviali takuju zabaronu. Ale my ž nie prosim abiedy, hatovyja za ich płacić», — paskardziłasia adna z nastaŭnic.
«Sputnik» pasprabavaŭ daviedacca pra novaŭviadzieńni va ŭpraŭleńni adukacyi Baranavickaha harvykankama, ale tam ad kamientaroŭ admovilisia. Žurnalisty patelefanavali ŭ piać škoł horada, ale i tam admovilisia niešta kamientavać.
U škołach inšych haradoŭ z takimi prablemami nastaŭniki nie sutykalisia.
-
«Miakka kažučy, mianie tresła». Biełaruska atrymała rachunki na 40 tysiač jeŭra za čatyry dni ŭ šviejcarskaj balnicy
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary