Настаўнікам у Баранавічах забаранілі харчавацца ў школьных сталовых
У баранавіцкіх школах настаўнікам не дазволілі купляць абеды, якія гатуюць для школьнікаў. Прычына — «цэны для дзяцей», паведамляе «Спутнік».
Інфармацыю аб гэтым актыўна абмяркоўваюць настаўнікі школ горада. Адзін з педагогаў у гутарцы з карэспандэнтам пацвердзіў: у школьнай сталовай паставілі мікрахвалёўкі. Настаўнікам сказалі прыносіць сваю ежу і грэць яе, купляць жа абеды, якія гатуюць школьнікам, цяпер нельга. Патлумачылі гэта так: цэны ўстаноўленыя для дзяцей, выдаткі на харчаванне часткова субсідзіруюцца дзяржавай, значыць, дарослым гэта не належыць.
«Калектыў абураны, гэта не па-чалавечы. У школе можна правесці ўвесь дзень, паесці, атрымліваецца, няма дзе. Прафсаюз школы неяк спрабуе вырашыць праблему. У мінулым годзе ў нас у раённых дзіцячых садах ужо ўвялі такую забарону. Але мы ж не просім абеды, гатовыя за іх плаціць», — паскардзілася адна з настаўніц.
«Спутнік» паспрабаваў даведацца пра новаўвядзенні ва ўпраўленні адукацыі Баранавіцкага гарвыканкама, але там ад каментароў адмовіліся. Журналісты патэлефанавалі ў пяць школ горада, але і там адмовіліся нешта каментаваць.
У школах іншых гарадоў з такімі праблемамі настаўнікі не сутыкаліся.
-
У Беларусі збіраюцца часткова аплачваць 14‑дзённы адпачынак бацьку пры нараджэнні дзіцяці
-
Сёння Вітольду Ашурку споўнілася б 55 гадоў
-
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве3
Каментары