«Skažy, naš biehły emihrant, jak tabie tut žyviecca?» Parodyja na siužet dziaržTB sabrała sotni tysiač prahladaŭ
Čynoŭniki-kupałaŭcy Siarhiej Mikałajevič i Mikałaj Siarhiejevič pryjechali ŭ Varšavu i vyrašyli zapytać vypadkovaha biełarusa pra žyćcio za miažoj. «Mierkavańnie emihranta ab žyćci ŭ hetaj jeŭrapiejskaj kłaacy».
Rolik z takim siužetam zapisali akciory «ČynČynČeneł». Jany pierabolšyli toj absurd, jaki pakazvajuć pa dziaržaŭnych telekanałach. «Nijakaha mantažu!» — kažuć u kadry čynoŭniki pra hruba narezanyja sceny.
«Dumaju, u čynoŭnikaŭ i prapahandystaŭ u hałavie siadzić śpiecyjalny mantažor, jaki vyrazaje z realnaści ŭsio, što nie paćviardžaje zakaścianiełuju karcinu ich śvietu», — kaža Michaś Zuj, akcior i aŭtar idei.
«Vypadkovaha emihranta» ŭ Varšavie syhraŭ były akcior Respublikanskaha teatra biełaruskaj dramaturhii Andrej Novik.
Parodyja sabrała 775 tysiač prahladaŭ u tyktoku i 264 tysiačy ŭ instahramie.
Hałoŭnyja hieroi «ČynČynČeneł» Siarhiej Mikałajevič i Mikałaj Siarhiejevič — heta stvoranyja akciorami Kupałaŭskaha teatra zbornyja paradyjnyja vobrazy biełaruskich čynoŭnikaŭ, jakija vyrašyli «paviarnucca da naroda tvaram» i zasnavali svoj BiełDziaržJutubKanał. Tam jany publikujuć svajo mierkavańnie ab tym, što adbyvajecca, i kamunikujuć ź nieabyjakavymi hramadzianami.
-
«Mnie strašenna padabajucca kiepskija mužčyny». Śviatłana Kurs raspaviała, jak pisała svaju pieršuju knihu
-
«Ništo tak nie zaachvočvaje pisać, jak nuda». 50 hadoŭ tamu pamierła Ahata Kryści. Jak pisała heta hienijalnaja žančyna?
-
Biełaruska paluje na tradycyjnyja samatkanyja pościłki va ŭsioj krainie — pahladzicie, kolki ekspanataŭ jana ŭžo vykupiła ŭ babul FOTY
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary