Zialenski pavinšavaŭ sa 160-hodździem paŭstańnia 1863 hoda, nie zhadaŭšy Biełaruś i biełarusaŭ
Vinšavańnie ad prezidenta Ukrainy Uładzimira Zialenskaha začytaŭ pasoł Ukrainy ŭ Polščy padčas uračystaściaŭ, jakija siońnia adbylisia ŭ Varšavie.
U svaim vinšavalnym liście Zialenski zajaviŭ pra narody, jakija abjadnalisia 160 hadoŭ tamu suprać rasijskaha impieryjalizmu, ale nie zhadaŭ siarod ich biełarusaŭ.
«160 hadoŭ tamu našy narody abjadnali svaje siły, ustaŭšy plačom da plača suprać rasijskaha impieryjalizmu. Studzieńskaje paŭstańnie paskoryła nacyjanalnaje adradžeńnie i vyzvalenčy ruch na terytoryi sučasnaj Ukrainy, Polščy i Litvy», — napisaŭ prezident Ukrainy.
Nie było ŭ Zialenskaha zhadak pra Biełaruś i biełarusaŭ u apisańni sučasnaha momantu.
«Dakładna hetak ža sama siońnia abjadnalisia Ukraina, Polšča i Litva, vystupajučy suprać złačynnaj rasijskaj ahresii, jakaja, napaŭšy na Ukrainu, kinuła vyklik biaśpiecy ŭsioj Jeŭropy i śvietu», — napisaŭ Zialenski.
U toj ža čas prezident Polščy Andžej Duda zajaviŭ, što vieryć, što svaboda i vola da samavyznačeńnia voźmuć vierch i ŭ Biełarusi.
Na mierapryjemstvie taksama prysutničaŭ i prezident Litvy Hitanas Naŭsieda. Paśla ŭračystaj častki Duda i Naŭsieda sustrelisia sa Śviatłanaj Cichanoŭskaj.
Ciapier čytajuć
Cichanoŭskaja — Trampu: Łukašenku treba pakarać, a nie zaachvočvać9
Kamientary
Vopros počiemu v Biełarusi uzurpator ,kotoromu niet dieło do tiech kto prolivał krov́ za svobodu strany, nie vspominajet nacionalnoho hieroja.