Ułady razryvajuć adukacyjnyja i kulturnyja adnosiny z Polščaj i Francyjaj
Pałata pradstaŭnikoŭ 25 studzienia pahadziłasia z prapanovaj urada prypynić mižuradavaje pahadnieńnie z Polščaj ab supracoŭnictvie ŭ śfiery adukacyi. Taksama była padtrymanaja pastanova ab skasavańni pahadnieńnia z Francyjaj ab supracoŭnictvie ŭ halinie kultury, adukacyi, navuki i techniki, ŚMI, piša BiełTA.
Pahadnieńnie z Polščaj, padpisanaje ŭ 2016 hodzie, praduhledžvała niepasrednyja kantakty ŭstanoŭ adukacyi, abmien studentami, aśpirantami, prafiesarska-vykładčyckim składam, pavyšeńnie kvalifikacyi vykładčykaŭ.
Ciapier, pavodle słoŭ ministra adukacyi Andreja Ivanca, naśpieła nieabchodnaść «uličyć nacyjanalnyja intaresy» i spynić adtok vypusknikoŭ biełaruskich škoł za miažu.
Denansavać pahadnieńnie z Francyjaj u halinie kultury, adukacyi, navuki i techniki, ŚMI, padpisanaje ŭ 2010 hodzie, prapanavaŭ ministr kultury Anatol Markievič. Pavodle jaho słoŭ, na praciahu apošnich hadoŭ z boku Francyi adsutničała cikavaść da dvuchbakovych kantaktaŭ u ramkach pahadnieńnia, što zrabiła «niemetazhodnym dalejšaje supracoŭnictva».
Tusk zajaviŭ pra hatoŭnaść adkryć Babroŭniki i Kuźnicu ź listapada63
Kamientary
Spadziajusia što jaŭropa pierastanie pryznavać śviežyja bieł. "dypłomy". Pavinny być u statusie jak vuzy paŭnočnaj karej