U YouTube dva karystalniki ciapier mohuć pravodzić sumiesnyja žyvyja tranślacyi
Videachostynh YouTube zapuściŭ novuju funkcyju Go Live Together, jakaja dazvalaje dvum karystalnikam adnačasova pravodzić sumiesnuju žyvuju tranślacyju. Funkcyja dastupnaja i dla Android, i dla iOS.
Pa infarmacyi raspracoŭščykaŭ, hetaja funkcyja dazvalaje karystalnikam, jakija majuć minimum 50 padpisčykaŭ, pry praviadzieńni ŭłasnaj žyvoj tranślacyi zaprašać dałučycca da jaje luboha hościa. Pry hetym hościu nie treba budzie mieć takuju ž kolkaść padpisčykaŭ.
Adnak dałučycca zmoža tolki adzin čałaviek, a potym na jaho miesca mohuć pa adnym dadavacca lubyja inšyja hości na praciahu ŭsioj tranślacyi.
Funkcyja Go Live Together dastupnaja dla Android i iOS, ale padtrymlivajecca jana tolki ŭ mabilnym dadatku YouTube. Źjaŭleńnie takoj ža mahčymaści dla karystalnikaŭ stacyjanarnych kampjutaraŭ anansujecca ŭ budučych abnaŭleńniach.
Dla aktyvacyi funkcyi nieabchodna zajści ŭ mabilny dadatak YouTube na vašym smartfonie i nacisnuć na nižniuju centralnuju knopku + («Stvaryć»). Vy ŭbačycie ŭnizie varyjant «sumiesnaja tranślacyja». Pačać takuju tranślacyju pieršym vy zmožacie tolki pry najaŭnaści minimum 50 padpisčykaŭ, ale vam ničoha nie pieraškodzić być da jaje dadadzienym inšymi karystalnikami padčas ich tranślacyj.
Čytajcie jašče:
Što takoje ChatGPT i čamu da jaho staviacca nieadnaznačna?
U Google Maps možna schavać častki vašaha doma, jakija vy nie chočacie, kab bačyli čužyja — voś jak heta zrabić
Jakija inavacyi i technałohii zdavalisia šmatabiacalnymi, ale ŭ 2022 hodzie spynili svajo isnavańnie? Ad iPod da Blackberry OS
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ40
Kamientary