У YouTube два карыстальнікі цяпер могуць праводзіць сумесныя жывыя трансляцыі
Відэахостынг YouTube запусціў новую функцыю Go Live Together, якая дазваляе двум карыстальнікам адначасова праводзіць сумесную жывую трансляцыю. Функцыя даступная і для Android, і для iOS.
Па інфармацыі распрацоўшчыкаў, гэтая функцыя дазваляе карыстальнікам, якія маюць мінімум 50 падпісчыкаў, пры правядзенні ўласнай жывой трансляцыі запрашаць далучыцца да яе любога госця. Пры гэтым госцю не трэба будзе мець такую ж колькасць падпісчыкаў.
Аднак далучыцца зможа толькі адзін чалавек, а потым на яго месца могуць па адным дадавацца любыя іншыя госці на працягу ўсёй трансляцыі.
Функцыя Go Live Together даступная для Android і iOS, але падтрымліваецца яна толькі ў мабільным дадатку YouTube. З'яўленне такой жа магчымасці для карыстальнікаў стацыянарных камп'ютараў анансуецца ў будучых абнаўленнях.
Для актывацыі функцыі неабходна зайсці ў мабільны дадатак YouTube на вашым смартфоне і націснуць на ніжнюю цэнтральную кнопку + («Стварыць»). Вы ўбачыце ўнізе варыянт «сумесная трансляцыя». Пачаць такую трансляцыю першым вы зможаце толькі пры наяўнасці мінімум 50 падпісчыкаў, але вам нічога не перашкодзіць быць да яе дададзеным іншымі карыстальнікамі падчас іх трансляцый.
Чытайце яшчэ:
Што такое ChatGPT і чаму да яго ставяцца неадназначна?
У Google Maps можна схаваць часткі вашага дома, якія вы не хочаце, каб бачылі чужыя — вось як гэта зрабіць
Якія інавацыі і тэхналогіі здаваліся шматабяцальнымі, але ў 2022 годзе спынілі сваё існаванне? Ад iPod да Blackberry OS
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары