Arastovič raskazaŭ, jak na pačatku vajny zachodnija palityki čakali ad Ukrainy kampramisu
«Sučasny śviet tak stvorany, što tam čakajuć miru i pieramoŭ, navat kali zabivajuć dziaciej i syplucca na hałovy pa 150 rakiet za dzień», — kaža były daradca Ofisa prezidenta Ukrainy Alaksiej Arastovič. Jon raskazaŭ žurnalistu Dźmitryju Hardonu, jak u pieršyja miesiacy vajny davodziłasia pierakonvać zachodnich partnioraŭ u nieabchodnaści padtrymki, jakaja, pavodle jaho, na pačatku była nievidavočnaja.
Na pačatku vajny Ukraina vymušana była demanstravać hatoŭnaść da pieramoŭ z Rasijaj ab spynieńni vajennych dzieńniaŭ, bo heta było nieabchodna jaje zachodnim partnioram, kaža Arastovič. Jon adznačaje, što ŭkraincy ŭ tyja pieramovy nie vieryli.
«Ale ja cudoŭna razumieŭ, što mnohija siły na Zachadzie i ŭ śviecie maryli, kab hetyja pieramovy byli. Im patrebny byŭ pieryjad kansultacyj, kab uhavaryć svaich skieptykaŭ. Našamu prezidentu i ŭradu treba było prademanstravać, što my adekvatnyja ludzi i my hatovyja havaryć», — kaža Arastovič.
Pa jaho słovach, u sakaviku finansavaja i vajskovaja padtrymka Zachadam i ŭsim śvietam Ukrainy była absalutna nie vidavočnaja. U krasaviku ŭkrainskaja armija nie mieła ŭžo patronaŭ.
«A ŭ hety čas partniory, jakija byli za nas, pieraadolvali najciažejšaje supraciŭleńnie apazicyi, prarasijskich sił, prosta skieptykaŭ u siabie ŭ parłamientach, u svaich palityčnych elitach. I hetyja pieramovy byli nieabchodnyja», — havoryć dalej Arastovič.
Palityk kaža, što pieramovy ŭviečary 24 lutaha pieršym prapanavaŭ rasijski bok.
«Nam skazali: prademanstrujcie adekvatnaść. Tady łozunhi «Vajna da apošniaha ŭkrainca», «Pieramožam Rasiju», jak ciapier, absalutna nie ŭsprymalisia ŭ śviecie. Skieptycyzm byŭ zaŭvažny ŭ kožnym telefanavańni, u kožnaj kansultacyi, u kožnym zapycie žurnalistaŭ. Dapamoha była daloka nie vidavočnaj», — raskazvaje Arastovič.
«Kali ž my prademanstravali hetu prytomnaść, to ŭsie zrazumieli, što kiraŭnictva Ukrainy adekvatnaje i moža prymać adekvatnyja rašeńni, značyć ź im možna naładžvać narmalnaje ŭzajemadziejańnie», — praciahvaje jon.
Arastovič kaža, što Kreml z usich sił namahaŭsia stvaryć u śviecie ŭražańnie, što ŭkrainskaja ŭłada nie zdolnaja da samakiravańnia. Treba było dakazać advarotnaje.
«Vy ž viedajecie, jak sučasny śviet stvorany: jon abaviazkova kaža pra mir i pieramovy.
Navat kali vas zabivajuć, dziaciej, pa 150 rakiet za dzień syplecca na hałovy — usio adno mir i pieramovy. My pakazali, što hatovyja da miru i pieramoŭ. Ale ŭ hety čas bai nie pierapyniali ni na siekundu», — zhadvaje Arastovič.
Rasija čakała ŭ sakaviku padpisańnia Ukrainaj poŭnaj kapitulacyi. Pavodle płana ahresara, davodzić Arastovič, Danbas i Krym aficyjna adychodzili Rasii, Ukraina admaŭlałasia ad namieraŭ ustupleńnia ŭ NATA i Jeŭrasajuz, pravodziłasia razzbrajeńnie i vybary praź miesiac ci dva.
«My im rahatali ŭ tvar i kazali, što jany varjaty i pastupova adbivali tyja [patrabavańni]. Na Stambulskaj sustrečy ad patrabavańniaŭ praktyčna ničoha nie zastałosia. Jany ŭžo byli takimi zajkami. I ničoha nie chacieli — ni ruskaj movy, ni carkvy, ni astatniaha», — kaža Arastovič.
Za paŭtary hadziny hutarki Arastovič i Hardon tolki adnojčy zhadali Biełaruś, kali havaryli pra Janukoviča, jaki «pieramohi Rasii čakaŭ u Homieli».
Arastovič upeŭnieny, što dla pieramohi Ukrainy zaraz patrebnaja zbroja, a najbolš zapatrabavanaja dalnabojnaja artyleryja, jakaja b dastavała da terytoryi Rasii, kab źniščać składy z rasijskim uzbrajeńniem.
Pa jaho słovach, 90 pracentaŭ rašeńniaŭ pa Ukrainie byli pryniatyja zachodnimi palitykami paśla emacyjnaha dośviedu ad jaje naviedvańnia.
«Ołaf Šolc pamianiaŭsia całkam za try hadziny, — adznačaje Arastovič. — Jon radykalna staŭ inšym čałaviekam. U Buču zajechaŭ adzin, a vyjechaŭ druhim. Usiu palityku niamieckuju potym raźviarnuŭ».
Na dumku Arastoviča, Pucin razhubleny i baicca, ale sprabuje demanstravać spakoj.
«Dla mnohim palitykaŭ na Zachadzie pieramoha Ukrainy — heta ŭžo ich asabistaja pieramoha, — nastojvaje Arastovič. — A adsutnaść pieramohi Ukrainy ci zamarožany kanflikt — heta ich asabistaja niaŭdača».
«Naša Niva» — bastyjon biełaruščyny
PADTRYMAĆArastovič daŭ intervju, słovy ź jakoha prapahandysty vyrvali z kantekstu i aktyŭna pościać
Arastovič napisaŭ zajavu na zvalnieńnie z pasady daradcy Ofisa prezidenta Ukrainy
Arastovič pra rejkavych partyzan: Ja asabista pastarajusia pryjechać u Biełaruś i pacisnuć kožnamu ź ich ruku
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam22
Kamientary
Vojennaja pomoŝ Zapada - osłablajet Rośsiju, no silnieje ona sokraŝajet nasielenije Ukrainy.