Servis dastaŭki sušy Takumi pastaviŭ pieršy ŭ Minsku aŭtamat z rołami i anihiry.
Ciapier na zapraŭcy Junajted Kompani možna zamović sušy i atrymać stravu ŭsiaho za niekalki chvilin. Pra heta ŭ sacyjalnych sietkach paviedamili pradstaŭniki kampanii.
Žurnalist Onliner źviazaŭsia z markietołaham kampanii, kab daviedacca padrabiaznaści pra navinku.
— U nas jość vypiska z dekłaracyi adpaviednaści, jakuju možna znajści pa spasyłcy ŭ QR-kodzie na aŭtamacie. Na kožnaj pazicyi paznačana data pryhatavańnia. U chaładzilniku aŭtamata padtrymlivajecca tempieratura kala +4°C. Termin prydatnaści rołaŭ i anihiry pry tempieratury ad 2 da 6°C składaje 48 hadzin. Ale, jak pakazała praktyka pieršych dzion pracy aŭtamata, pradukcyja raskuplajecca značna chutčej.
«My doŭha praviarali ŭpakoŭku, testavali jaje, kab pry padzieńni jana nie paškodžvałasia. Na aŭtamacie jość mieniu, dzie paznačany nie tolki ceny, ale i kałaryjnaść straŭ. Košt anihiry — 7,5—8 rubloŭ, set rołaŭ — ad 18 da 20 rubloŭ.
Pavodle słoŭ markietołaha Kryściny, sušymaty ad Takumi praciahnuć źjaŭlacca ŭ Minsku.
— U nas jość damoŭlenaść z «Junajted Kompani», jany hatovyja dać nam try placoŭki. Taksama ŭ budučyni my płanujem ustaloŭvać takija aŭtamaty ŭ fitnes-centrach, ale ŭžo ź mienš kałaryjnym mieniu.
Onliner užo paśpieŭ naviedać adras na praśpiekcie Pieramožcaŭ, 102 i pratestavać novy sušymat.
Ciapier čytajuć
Prapahandysty zapeŭnivajuć, što 196 palitviaźniaŭ užo na svabodzie7
Kamientary