«Biełaruskaja narodnaja zabava». Jak pracuje novaja sistema zapisu na polskuju vizu

Z 8 červienia zapisvacca na padaču dakumientaŭ u vizavyja centry Polščy ŭ Biełarusi treba pa-novamu. Zajaŭnik pavinien prajści vieryfikacyju i stać u list čakańnia. Paśla źjaŭleńnia svabodnych dat jamu na elektronnuju poštu pavinna pryjści apaviaščeńnie — tady vybrać datu i čas padačy jon zmoža samastojna. Vyhladaje jak prostaja čarha, u jakoj kožny achvotny zmoža raniej ci paźniej atrymać miesca. Ale amal adrazu paśla zapusku karystalniki stali paviedamlać pra prablemy.

Most pasprabavaŭ zarehistravacca ŭ novaj sistemie ź biełaruskich numaroŭ, jakija znachodziacca ŭ roŭminhu i ŭ Biełarusi. Ale kožny raz niešta nie spracoŭvała.

Pieršy dośvied. Čałaviek znachodzicca ŭ Polščy, ale vykarystoŭvaje biełaruski numar dla stvareńnia ŭlikovaha zapisu. Heta ŭdajecca — na poštu prychodzić list ad VFS Appointment System z prapanovaj aktyvavać akaŭnt. U liście paznačana, što spasyłka sapraŭdnaja tolki dva dni z daty rehistracyi.

Adnak paśla pierachodu pa spasyłcy aktyvacyi adkryvajecca staronka VFS Global z pamyłkaj Session Expired or Invalid, h. zn. «Siesija skončyłasia abo niesapraŭdnaja». Servis prapanuje ŭvajści nanova, abnavić staronku, ačyścić keš braŭziera, pravieryć internet-złučeńnie abo pasprabavać inšy braŭzier. Ničoha z hetaha vyniku nie daje.

Pavialičyć

Pavialičyć

Pavialičyć

Taksama žurnalisty paprasili padzialicca dośviedam karystalnikaŭ, jakija znachodziacca ŭ Biełarusi. Try čałavieki sutyknulisia z pamyłkami ŭžo padčas rehistracyi. Dvoje ź ich sprabavali vykarystoŭvać dla hetych metaŭ jašče i VPN.

Na ekranach źjaŭlalisia paviedamleńni VFS Global: «Zanadta šmat sprob. Kali łaska, pasprabujcie paźniej» i «Niešta pajšło nie tak. Kali łaska, pasprabujcie paźniej». Usie troje śćviardžajuć, što rabili sproby zapisu ŭpieršyniu.

Pavialičyć

Pavialičyć

Pavialičyć

U kaho jašče nie atrymałasia?

Karystalniki ŭ Threads apisvajuć padobny dośvied.

ellie_elf17 nazvała zapis na vizu «biełaruskaj narodnaj zabavaj»: pavodle jaje słoŭ, jana ŭžo «kalekcyjanuje zapisy ŭ listy čakańnia» ŭ konsulstvy Hiermanii, Francyi, Italii, a ciapier dadałasia i Polšča. U kamientaryjach jana piša, što čakaje zapisu ŭ konsulstva Hiermanii z 2024 hoda i «pamahataram płacić nie budzie».

Častka karystalnikaŭ piša, što sistema nie prapuskaje ŭžo na pieršych krokach.

aleksa_0503 pakazała ŭsio toje ž paviedamleńnie: «Zanadta šmat sprob. Kali łaska, pasprabujcie paźniej». I napisała, što ŭ jaje «navat kabiniet nie daje zarehistravać».

nameisanng apublikavała skrynšot z paviedamleńniem: «Vaš akaŭnt časova zabłakavany praź niekalki niaŭdałych sprob uvachodu. Kali łaska, paŭtarycie sprobu ŭ bližejšyja dni. Kali prablema zastaniecca, źviarniciesia ŭ słužbu padtrymki».

taricijaguk piša, što nie moža zarehistravacca na sajcie: sistema paviedamlaje, što «sieans skončyŭsia».

korbut_olya kaža, što sprabavała i praz sajt, i praz dadatak, ale ŭvieś čas bačyć to pamyłku, to paviedamleńnie pra tajm-aŭt.

web_designerka piša, što na sajcie vizavaha centra atrymała pamyłku i dalej prajści nie zmahła. Jana taksama paralelna čakaje čarhi na vizy Hiermanii i Italii.

U kaho atrymałasia

U Threads jość karystalniki, jakim udałosia prajści dalej.

anuchyna.yuliya napisała, što jaje dadali ŭ śpis čakańnia. Na skrynšocie bačna paviedamleńnie VFS: «Vy dadadzieny ŭ śpis čakańnia. My paviedamim vam pra źmianieńnie statusu». U kamientaryjach jana tłumačyć svoj šlach: spampavać dadatak VFS, vybrać horad, katehoryju Schengen C Visa Mobile App, padkatehoryju Other C visa, adskanavać pašpart, prajści vieryfikacyju praz kamieru i paćvierdzić udzieł u liście čakańnia.

test__piar taksama napisała, što paśla sutak sprob joj udałosia zarehistravacca, ale tolki ŭ Homiel: pavodle jaje słoŭ, vizavy centr Minska prahrama vybrać nie dała.

Što jašče abmiarkoŭvajuć karystalniki

U kamientaryjach chutka ŭźnikła sprečka: novaja čarha pavinna źnizić chaos ci, naadvarot, tolki pavialičyć nahruzku?

katyalekseyeva ličyć, što ludzi, jakija stanoviacca ŭ čerhi «na ŭsiaki vypadak», sami stvarajuć dadatkovy popyt i zaminajuć tym, kamu vizy sapraŭdy patrebnyja.

s.a.n.e.c.h.k.a_y.u.v.e.l.i.r piša, što praz takija zapisy ludzi stanoviacca ŭ čarhu «kab było».

soroka.rb, naadvarot, ličyć, što karystalniki prosta sprabujuć praduhledzieć usio zahadzia.

pashkachumak11 taksama piša, što łohika zrazumiełaja: atrymaŭ vizu — i adrazu stanovišsia ŭ novuju čarhu.

Pa kamientaryjach i zroblenych karystalnikami skrynšotach bačna, što sistema sapraŭdy zapracavała, ale pakul niestabilna. Mnohija nie mohuć navat stvaryć akaŭnt abo sutykajucca z časovaj błakiroŭkaj.

• 1
• 0
• 2
• 1
• 0
• 0
• 3
• 0