«Metanakiravanaja akcyja pa dyskredytacyi prajekta». Minenierha admaŭlaje, što ź Biełaruskaj AES niešta nie tak
Ministerstva enierhietyki Biełarusi rašuča zapiarečyła apublikavanaj siońnia infarmacyi litoŭskaj raźviedki pra toje, što na Biełaruskaj AES raz za razam uźnikajuć niepaładki, jakija staranna chavajucca i biełarusami, i rasijanami.
Minenierha nazvała infarmacyju Litvy pra BiełAES «metanakiravanaj akcyjaj pa dyskredytacyi prajekta» i «farmavańni niehatyŭnaha staŭleńnia» da stancyi.
Źviestki, apublikavanyja litoŭskim bokam, maŭlaŭ, «ničym nie paćvierdžanyja», a infarmavańnie pra ramontnyja raboty viałosia «adkryta i prazrysta». Kali ž tam što i adbyvajecca, to vyklučna ŭ adpaviednaści z płanami.
«Biaśpieka pracy sistem i abstalavańnia BiełAES była i zastajecca absalutnym pryjarytetam na ŭsich etapach budaŭnictva i ekspłuatacyi atamnaj stancyi. Technałohii pa zabieśpiačeńni jadziernaj i radyjacyjnaj biaśpieki, jakija vykarystoŭvajucca ŭ ramkach prajekta, paśpiachova prymianiajucca ŭ inšych krainach i dakazali svaju nadziejnaść i efiektyŭnaść. Dla vyklučeńnia mahčymych adchileńniaŭ u pracy technałahičnych sistem i abstalavańnia na atamnych stancyjach štohod pravodzicca płanavy ramont. U 2022 hodzie jon prajšoŭ i na BiełAES. Usie raboty vykananyja ŭ štatnym režymie, u poŭnaj adpaviednaści z patrabavańniami nahladnych orhanaŭ i mižnarodnych normaŭ, pra što paviedamlałasia nieadnarazova», — zajavili ŭ pres-słužbie Minenierha.
Taksama pres-słužba viedamstva paviedamiła, što ŭžo zaviaršajucca raboty pa ŭviadzieńni ŭ ekspłuatacyju druhoha enierhabłoka:
«U druhim paŭhodździ biahučaha hoda druhi enierhabłok BiełAES płanujecca ŭvieści ŭ pramysłovuju ekspłuatacyju. Stancyja zapracuje na poŭnuju mahutnaść, a heta značyć, što ŭžo ŭ najbližejšaj budučyni naša kraina zrobić surjozny krok va ŭmacavańni enierhietyčnaj biaśpieki i budzie mieć kankurentnyja pieravahi ŭ zabieśpiačeńni jakasnaj i dastupnaj elektraenierhijaj», — zajavili ŭ Minenierha.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary
"U druhim paŭhodździ biahučaha hoda druhi enierhabłok BiełAES płanujecca ŭvieści ŭ pramysłovuju ekspłuatacyju" Nu-nu... Užo 5 hod vy hety zasrany rasiejski mietałazłom zapuskajecie, usio nijak nie zapuścicie... Čučche...