Pamiežnaja słužba Ukrainy: Niestandartnych situacyj na miažy ź Biełaruśsiu niama
U Dziaržaŭnaj pamiežnaj słužbie Ukrainy paviedamili, što na dziaržaŭnaj miažy ź Biełaruśsiu na hety momant nie fiksujecca jakich-niebudź pravakacyj i sprobaŭ pierakinuć rasijskich dyviersantaŭ ź biełaruskaha boku.
«Na miažy ź Biełaruśsiu my nie fiksavali niejkich niestandartnych situacyj ci, u tym liku, pravakacyj i dziejnaści vyviedna-dyviersijnych hrup. Tam usio spakojna, da taho ž učastak miažy ź Biełaruśsiu ŭmacoŭvajecca nie tolki pa linii miažy, a i ŭ pamiežžy, kab siły abarony Ukrainy mieli ŭsie mahčymaści adbić ataku», — skazaŭ pres-sakratar Dziaržaŭnaj pamiežnaj słužby Ukrainy Andrej Dziemčanka ŭ efiry ŭsieŭkrainskaha telemarafonu.
U toj ža čas, pavodle jaho, Rasija praciahvaje teraryzavać pamiežnyja ŭkrainskija rajony, abstrelvajučy poŭnač Ukrainy sa svajoj ułasnaj terytoryi.
29 sakavika Słužba biaśpieki Ukrainy apublikavała zapis pierachoplenaj telefonnaj razmovy rasijskich vajskoŭcaŭ, u jakoj adzin ź ich raskazaŭ ab nibyta sprobie pravakacyj na biełaruska-ŭkrainskaj miažy.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary