Łukašenka adkazaŭ, na kaho hatovy abmianiać palitviaźnia Pačobuta
Padčas pasłańnia Alaksandra Łukašenki da jaho źviarnulisia z pytańniem pra abmien Andreja Pačobuta. Juryj Vaskrasienski zapytaŭ, jaki adkaz budzie polskim uładam, jakija hatovy na hety abmien.
Zadajučy svajo pytańnie, Juryj Vaskrasienski naŭmysna skaziŭ proźvišča palitviaźnia. Alaksandr Łukašenka ŭ svaim adkazie spačatku nazvaŭ proźvišča dziejača polskaj nacyjanalnaj mienšaści pravilna, paśla taksama pačaŭ pierakručvać.
«Jany prapanujuć nam abmianiać Pačobuta na niejki kavałak miažy. Na «Babroŭniki», punkt propusku. Kali mnie prapanavali, ja naohuł byŭ u žachu. Jak možna čałavieka abmianiać na punkt propusku? Nu nie treba vam hety punkt — dobra, zakryvajcie. My tudy praktyčna nie jedziem u metach ekanomiki i dziaržaŭnych intaresaŭ. Ale abmien dyk abmien, — zajaviŭ Alaksandr Łukašenka.
— Mahu siońnia publična (ja jašče nie daručaŭ našym adpaviednym orhanam i vam pra heta nie kazaŭ), ale skažu publična:
kali jany chočuć Pačobuta hetaha ci Pačabuta abmianiać na niešta, nu dyk u nas u Polščy Łachuški (tak Łukašenka nazyvaje adnaho ź lidaraŭ apazicyi Paŭła Łatušku. — NN). Ale mianiać Łachušku na Pačabuta adzin na adzin ja nie pahadžusia, usiu hrupu siudy. Jany tam — jak heta, NAU, HAU, jak nazyvajecca hety ŭrad na čale ź im — siudy hety ŭrad na čale z Łachuškam, i ja addaju Pačabuta.
Pieradaj im, da viečara vyrašym pytańnie».
Vykazaŭsia Łukašenka i nakont Śviatłany Cichanoŭskaj.
«Śviatłanie damoŭ treba jechać. Nu kolki joj dali, 10—12 hod za supraćpraŭnuju dziejnaść? (Cichanoŭskaj zavočna prysudzili 15 hod. — NN) Nu, pakul ź Siarhiejem u adnoj kamiery pasiadzić. Śpiecadzieńnie šyła b niejkaje, dzieci pryjazdžali b, niejki režym stvaryli b. Nu sa svaim mužykom by žyła», — zajaviŭ Alaksandr Łukašenka ŭ adras svajoj kankurentki na vybarach.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu. Z 2022 hoda, paśla napadu Rasii na Ukrainu, biełarusaŭ pačali praśledavać taksama za antyvajennyja vykazvańni abo za simpatyi da Ukrainy. Za hety čas u krainie adbyłosia kala 50 tysiač palityčna matyvavanych zatrymańniaŭ, zaviedziena kala 12 tysiač palityčna-kryminalnych spraŭ i adkinutyja bazavyja normy zakonnaści i marali.
Ciapier čytajuć
Siarhiej Cichanoŭski pierabraŭsia žyć u Łos-Andželes18
Kamientary