Pasłuha «Paštovy kurjer» ad «Biełpošty» z 11 krasavika daražeje, paviedamlaje pres-słužba viedamstva. Hetaja pasłuha dazvalaje adpraŭlać listy abo pasyłki da 30 kiłahramaŭ z doma abo ofisa z dapamohaj kurjera. Akramia jaje, padaražejuć zakaznyja listy, adpraŭleńni «1-ha kłasa» i z abjaŭlenaj kaštoŭnaściu pa Biełarusi.
Nakolki mienavita vyrastuć taryfy, paštovy apieratar pakul nie ŭdakładniaje.
Pry hetym pakul nie buduć mianiacca ceny na tak zvanyja ŭniviersalnyja pasłuhi paštovaj suviazi. Heta adpraŭka zvyčajnaha lista, paštoŭki abo banderoli.
Nie vyrastuć i taryfy na pasyłki, adpraŭleńnia JEMЅ, pakiety pasłuh E-commerce, dadatkovyja pasłuhi.
Akramia taho, nie tak daŭno «Biełpošta» ŭviała kamisiju 1,5% za pryjom płaciažoŭ i pieravodaŭ z kartaŭ zamiežnych bankaŭ. Takaja ž kamisija biarecca, kali pa zamiežnaj karcie apłačvać pasłuhi pa ARIP u paštovym adździaleńni.
U žniŭni minułaha hoda «Biełpošta», naadvarot, niekatoryja taryfy źmienšyła. Pasyłki da kiłahrama pa Biełarusi, jakija adpraŭlajuć fizičnyja asoby, stali kaštavać 3 rubli (było 4,5 rubla).
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary