Krasoŭki Majkła Džordana pradadzieny za 2,2 miljona dalaraŭ. Heta rekord
Para krasovak, u jakich kaliści hulaŭ lehienda baskietboła Majkł Džordan, była pradadziena na aŭkcyjonie za 2,2 młn dalaraŭ. Heta rekordnaja suma za paru abutku, piša Bi-bi-si.
Aŭkcyjonny dom Sotheby's napiaredadni tarhoŭ aceńvaŭ krasoŭki z aŭtohrafam samoha Džordana ŭ 2—4 młn dalaraŭ.
Futbołka, u jakoj jon hulaŭ u finale NBA ŭ 1998 hodzie, u 2022 hodzie była pradadziena za 10,1 miljona dalaraŭ.
Na aŭkcyjonach pamiatnych rečaŭ spartyŭnaha adzieńnia rečy, jakija naležali Džordanu, stabilna pradajucca za kazačnyja sumy.
«Siońniašni rekordny vynik jašče raz dakazvaje, što popyt na spartyŭnyja pamiatnyja rečy Majkła Džordana praciahvaje pieraŭzychodzić usie čakańni», — skazaŭ Bram Vachter, kiraŭnik adździeła paŭsiadzionnaha adzieńnia i sučasnych kalekcyj Sotheby's.
Papiaredni rekord dla abutku Džordana — 1,47 młn dalaraŭ za paru jaho Nike Air Ships, vystaŭlenuju na aŭkcyjon u 2021 hodzie.
U Air Jordan XIII, jakija pajšli z aŭkcyjonu ŭ minuły aŭtorak, zorka baskietboła hulaŭ u składzie kamandy Chicago Bulls u 1997—98 hadach.
U hetych krasoŭkach Džordan nabraŭ 37 ačkoŭ u druhoj hulni finalnaj sieryi NBA 1998 hoda i prynios Chicago Bulls pieramohu nad Utah Jazz ź likam 93-88.
Hetaja historyja padrabiazna raskazana ŭ dakumientalnym sieryjale 2020 hoda «Apošni taniec» pra apošni siezon Džordana ŭ składzie kamandy.
Dla samoha spartsmiena heta byŭ šosty čempijanat NBA. Tady ž jaho piaty raz nazvali samym kaštoŭnym hulcom NBA.
Jak paviedamiŭ pradstaŭnik aŭkcyjonnaha doma Sotheby's, adrazu paśla pieramohi ŭ druhoj hulni Džordan padaryŭ hetyja krasoŭki chłopčyku ŭ raspranalni ŭ padziaku za toje, što toj znajšoŭ jaho zhublenuju kurtku.
Air Jordans «Bred» — skaračeńnie ad «čorna-čyrvonyja» — adzinaja para krasovak, jakija Džordan nadziavaŭ u finalnaj hulni NBA, sapraŭdnaść jakoj udałosia paćvierdzić, paviedamlaje Sotheby's.
Džordan upieršyniu abuŭ krasoŭki Air Jordan u 1984 hodzie padčas svajho pieršaha siezona ŭ kamandzie Chicago Bulls. Air Jordan I stali dastupnyja šyrokaj publicy ŭ nastupnym hodzie. Na siońniašni dzień vypuščana bolš za 30 roznych madelaŭ Air Jordan.
Džordan vyjhraŭ u ahulnaj kolkaści šeść čempijanataŭ NBA, dva załatyja miedali Alimpijskich hulniaŭ i mnostva inšych uznaharod.
Jon ličycca adnym z najvialikšych spartsmienaŭ usich časoŭ.
Chakiejnaje «Dynama» i zbornuju Biełarusi ŭznačaliŭ rasijanin
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary