Dama z sabačkami. Hałoŭny architektar Minska razvodzić skotčterjeraŭ
Staž chobi — bolš za 20 hadoŭ.
Tochka.by naprasiłasia ŭ hości da hałoŭnaha architektara Minska, Volhi Vieramiej. Razmaŭlali nie pra pracu, a pra spravu dla dušy — pra raźviadzieńnie šatłandskich terjeraŭ.
Skotčterjery — palaŭničaja paroda. Tamu pa charaktary heta spakojnyja sabački. Lišni raz nie brešuć.
Karpatlivy praces — vyvieści hienietyčna idealnaha sabaku, z dobrym zdaroŭjem i dobraj poŭściu. Takoha nie treba časta kupać i vyčesvać.
Vieramiei žyvuć za horadam. U ich siamji «hadujecca» piać skotčterjeraŭ. Lubimaje miesca tusoŭki sabak — na kanapie ŭ haścioŭni. Katy taksama jość. Abstanoŭka mirnaja, biez bojek.
Karmić i vyhulvać terjeraŭ dapamahajuć damašnija — i dzieci, i muž. Nie lanujucca.
Plemiannoje raźviadzieńnie patrabuje ŭvažlivaha pošuku dastojnaha sabaki, z bahatym radavodam. Zvyčajna heta toŭstaja papka — cełaja asabistaja sprava.
Usie kandydaty spres pryhažuny — čempijony vystaŭ. Pravilnaja afarboŭka i roŭnyja zuby. I heta bieź viniraŭ.
«Žanichoŭ šukajem nie tolki ŭ krainie. Lotali navat u Irłandyju. U Maskvie viazali z sabakam z anhlijskaha hadavalnika», — raspaviadaje Volha Vieramiej.
Pierad viazkaj terjeram robiać niekalki UHD, analiz kryvi. Miesca sustrečy — na terytoryi kavalera, dzie jon siabie ŭpeŭniena adčuvaje.
U prypłodzie — da vaśmi ščaniukoŭ. Kožny treci zastajecca sabaku. Kali na try nie dzielicca, damaŭlajucca pa hrošach.
Utrymańnie čatyrochnohich ciahnie kapiejku. Vydatki — prymalnyja dla siamiejnaha biudžetu.
Miaška kormu za 170 rubloŭ chapaje na try miesiacy. Plus płanavaje miedycynskaje absłuhoŭvańnie. I płanavyja pryščepki kožny hod: ad šalenstva, čumy, hiepatytu. Nu i jašče preparat ad klaščoŭ.
Volha Vieramiej addaje ščaniukoŭ tolki ŭ dobryja ruki. U piać miesiacaŭ, kali ŭžo darosłyja i vychavanyja — nie kusajucca i nie curajucca ludziej. Ščaniuki rastuć u zhrai — darosłyja terjery padajuć prykład.
Z novymi haspadarami svaich hadavancaŭ Volha Vieramiej zaŭsiody na suviazi. Niekatoryja ŭžo stali blizkimi siabrami. Jak minimum u śviata dakładna dašluć paštoŭku ŭ Vajbier
Čamu kot vybiraje adnaho haspadara? Daznajciesia, jak spadabacca vašamu hadavancu
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
jany choć raz u žyćci palavali? dyk ci ščaślivyja jany? usie štučnyja parody ź ciaham času vyraždajucca. heta pryroda
«Žanichoŭ šukajem nie tolki ŭ krainie. Lotali navat u Irłandyju. [aha - na histaryčnuju radzimu Bajdena] U Maskvie viazali z sabakam z anhlijskaha hadavalnika», — raspaviadaje Volha Vieramiej.
kali joj architekturaj miehapolisa zajmacca, kali stolki z sabačkami turbot?