Hienieralny sakratar NATA: Jadziernyja pahrozy Rasii nas nie zapałochajuć, padtrymka Ukrainy praciahniecca
Zachodnija sajuźniki nie admoviacca ad padtrymki Ukrainy ŭ vajnie suprać RF niahledziačy na pahrozy Kramla ŭžyć jadziernuju zbroju, zajaviŭ hienieralny sakratar NATA Jens Stołtenbierh na 18-j štohadovaj kanfierencyi Aljansu pa kantroli nad uzbrajeńniami, razzbrajeńni i nieraspaŭsiudžvańni zbroi masavaha źniščeńnia.
Stołtenbierh zajaviŭ, što Rasija imkniecca padarvać asnovy mižnarodnaj sistemy biaśpieki, bo ihnaruje, parušaje abo admaŭlajecca ad značnaj častki sietki mižnarodnych pahadnieńniaŭ pa kantroli nad uzbrajeńniami, jakija ŭtrymlivajuć mir u biaśpiecy.
«Heta biezadkaznyja dziejańni, nakiravanyja na toje, kab utrymać sajuźnikaŭ pa NATA ad padtrymki Ukrainy. Ale jany nie spracujuć. Tamu što pakul my surjozna stavimsia da rasijskich pahroz, nas nie zapałochać», — skazaŭ hienieralny sakratar NATA.
Jon nahadaŭ, što Rasija prypyniła svoj udzieł u novaj damovie ab skaračeńni i abmiežavańni stratehičnych nastupalnych uzbrajeńniaŭ, nie vykonvaje damovu ab likvidacyi rakiet siaredniaj i mienšaj dalokaści i ŭzmacniaje pravakacyjnuju jadziernuju rytoryku, pahražajučy raźmiaścić taktyčnuju jadziernuju zbroju ŭ Biełarusi.
«Rasija jość samaj niepasrednaj pahrozaj našaj biaśpiecy», — dadaŭ Stołtenbierh.
25 sakavika Uładzimir Pucin zajaviŭ, što ŭ Biełarusi da lipienia raźmieściać taktyčnuju jadziernuju zbroju i paraŭnaŭ ułasnyja jadziernyja płany z raźmiaščeńniem ZŠA svajoj zbroi ŭ Jeŭropie.
Čytać taksama:
G7: Pahroza raźmiaščeńnia jadziernaj zbroi ŭ Biełarusi nieprymalnaja
U Biełarusi moža źjavicca i stratehičnaja jadziernaja zbroja — Chrenin
Biełaruskija vajskoŭcy prajšli padrychtoŭku pa śpiecyjalnym prymianieńni šturmavikoŭ Su-25
«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»
-
«Nichto nie adnimie u mianie prava pamierci ruskim. Słava Rasii!» — pieradśmiarotnaje paviedamleńnie syna rasijskaha apazicyjaniera Hudkova
-
Tramp zapościŭ žartaŭlivy rolik pa matyvach napadu tyhra na čałavieka ŭ brytanskim zaaparku. Svajaki zahinułaha aburanyja
-
Džordža Miełoni: Nichto nie pierakanaje mianie ŭ tym, što kapitulacyju taho, chto abaraniaje svaju svabodu, možna nazyvać «miram»
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam7
Kamientary